തിരുവനന്തപുരം: സംസ്ഥാനത്ത് തുടര്‍ച്ചയായ ഏഴാം ദിവസവും നൂറിലധികം കോവിഡ് ബാധിതര്‍. ഇന്ന് 123പേര്‍ക്കാണ് രോഗം സ്ഥിരീകരിച്ചത്. കഴിഞ്ഞ വെള്ളിയാഴ്ച സംസ്ഥാനത്ത് 118പേര്‍ക്കായിരുന്നു കോവിഡ് സ്ഥിരീകരിച്ചത്. ശനിയാഴ്ച ഇത് 127ആയി. ഞായറാഴ്ച 133പേര്‍ക്ക് രോഗം സ്ഥിരീകരിച്ചു.

തിങ്കളാഴ്ച 138, ചൊവ്വ 141,ബുധന്‍ 152 എന്നിങ്ങനെയാണ് കണക്കുകള്‍. ദിനംപ്രതി അസുഖബാധിതരുടെ എണ്ണം വര്‍ദ്ധിച്ചുവരുന്ന സാഹചര്യമാണ് നിലവിലുള്ളത്. സംസ്ഥാനത്ത് ഇതുവരെ 3726പേര്‍ക്കാണ് കോവിഡ് സ്ഥിരീകരിച്ചത്. 1861പേരാണ് നിലവില്‍ ചികിത്സയിലുള്ളത്. .6 ശതമാനമാണ് സംസ്ഥാനത്തെ മരണനിരക്ക്. ഇന്ന് സംസ്ഥാനത്ത് 53പേരാണ് രോഗമുക്തരായത്.