കോട്ടയം; വിദേശത്തുനിന്നെത്തി നിരീക്ഷണത്തിൽ കഴിഞ്ഞിരുന്ന യുവാവ് മരിച്ചു. കോട്ടയം കുറുമുള്ളൂർ സ്വദേശി മഞ്ജുനാഥ് (39) ആണ് മരിച്ചത്. കോട്ടയം മെഡിക്കൽ കോളജിൽ വെച്ചായിരുന്നു അന്ത്യം. അവശനിലയിലായതിനെ തുടർന്ന് ബന്ധുക്കൾ മെഡിക്കൽ കോളേജിൽ എത്തിച്ചു. എന്നാൽ ജീവൻ രക്ഷിക്കാനായില്ല.

ഇതിനിടെ മെഡിക്കൽ കോളജ് അധികൃതർക്കെതിരെ ബന്ധുക്കൾ രം​ഗത്തെത്തി. ചികിത്സ വൈകിച്ചതിനാലാണ് മരണം സംഭവിച്ചത് എന്നായിരുന്നു ആരോപണം. എന്നാൽ രണ്ടു രോഗികൾ ഒരേ സമയം എത്തിയപ്പോൾ സ്വാഭാവിക കാലതാമസം മാത്രമാണ് ഉണ്ടായതെന്നാണ് മെഡിക്കൽ കോളജ് വിശദീകരണം.