ആലപ്പുഴ: ആലപ്പുഴയിലെ ചേർത്തലയിൽ വൻ വൈൻ ശേഖരം പിടികൂടി. നഗരസഭ 23-ാം വാർഡ് കുരിശിങ്കൽ വീട്ടിൽ ലോനപ്പനാ (54)ണ് അറസ്റ്റിലായത്. അനധികൃതമായി വീട്ടിൽ സൂക്ഷിച്ച് വിൽപ്പന നടത്തുകയായിരുന്നു ഇയാൾ. 251 ലിറ്റർ വൈനാണ് ഇയാളിൽ നിന്ന് പിടിച്ചെടുത്തത്.
കോറോണ വ്യാപനത്തിന്റെ പശ്ചാത്തലത്തിൽ രാജ്യത്ത് ലോക്ക്ഡൗൺ പ്രഖ്യാപിച്ചിരിക്കുകയാണ്. ഇതേത്തുടർന്ന് സംസ്ഥാനത്തെ ബാറുകളും, ബിവറേജും, കള്ളുഷാപ്പുകളും പ്രവർത്തിക്കുന്നില്ല. ഈ സാഹചര്യം മുതലെടുത്ത് ഒരു ലിറ്റർ വൈൻ 180 രൂപ എന്ന നിരക്കിലാണ് ലോനപ്പൻ വിറ്റിരുന്നതെന്ന് പൊലീസ് പറയുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ