തിരുവനന്തപുരം: തിരുവനന്തപുരം ഒരു വാതില് കോട്ടയില് അതിഥി തൊഴിലാളികളും പൊലീസും തമ്മില് സംഘര്ഷം. നാട്ടിലേക്ക് പോകാന് സൗകര്യമൊരുക്കണമെന്നാവശ്യപ്പെട്ട് 670 ഓളം തൊഴിലാളികള് പ്രതിഷേധവുമായി എത്തിയതാണ് സംഘര്ഷങ്ങള്ക്ക് വഴിവെച്ചത്. തിരുവനന്തപുരത്തെ മാളിന്റെ ജോലിക്കായി എത്തിയതായിരുന്നു തൊഴിലാളികള്.
കനത്ത മഴയെയും അവഗണിച്ചായിരുന്നു തൊഴിലാളികളുടെ പ്രതിഷേധം.മറ്റ് ജില്ലകളില് നിന്നുള്ള പല തൊഴിലാളികളും മടങ്ങിപ്പോയെങ്കിലും ജില്ലയില് നിന്നുള്ളവര്ക്ക് നാട്ടിലേക്ക് മടങ്ങാന് കഴിഞ്ഞില്ലെന്നാണ് പ്രതിഷേധക്കാര് പറയുന്നത്. ക്യാമ്പിലുള്ളവരില് ചിലര് പല അസുഖങ്ങളടക്കമുള്ള ബുദ്ധിമുട്ടുകള് നേരിടുന്നുണ്ടെന്നും നാട്ടിലേക്ക് പോകാനുള്ള സൗകര്യം ഒരുക്കണമെന്നുമാണ് ആവശ്യം.
പ്രതിഷേധക്കാര് പൊലീസിന് നേരെ നടന്ന കല്ലേറില് പേട്ട സിഐ ക്ക് തലക്ക് പരിക്കേറ്റു. പ്രതിഷേധം ശക്തമായതോടെ തൊഴിലാളികളുമായി പൊലീസ് ചര്ച്ച നടത്തി. മടങ്ങിപ്പോകുന്നതിന് നടപടി എടുക്കാമെന്ന് പൊലീസ് ഉറപ്പ് നല്കിയതോടെയാണ് തൊഴിലാളികള് പ്രതിഷേധം അവസാനിപ്പിച്ചത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ