കോഴിക്കോട്: ശവ്വാൽ മാസപ്പിറവി ദൃശ്യമാകാത്തതിനാൽ കേരളത്തിൽ ഈദുൽ ഫിത്വ്ർ ഞായറാഴ്ച ആയിരിക്കുമെന്ന് ഖാസിമാർ അറിയിച്ചു.
ഈ ഞായറാഴ്ച പെരുന്നാള് ആവുകയാണെങ്കില് സമ്പൂര്ണ ലോക്ക്ഡൗണില് ചില ഇളവുകള് അനുവദിക്കുമെന്ന് മുഖ്യമന്ത്രി വാർത്താസമ്മേളനത്തിൽ പറഞ്ഞിരുന്നു. കോവിഡ് 19 കാരണം മുമ്പൊരിക്കലുമില്ലാത്ത പ്രതിസന്ധിയിലൂടെയും ദുരിതത്തിലൂടെയും ലോകം കടന്നുപോകുമ്പോഴാണ് റമദാനും ചെറിയ പെരുന്നാളും വരുന്നത്. 'സഹനമാണ് ജീവിതം' എന്ന സന്ദേശം ഉള്ക്കൊണ്ട് റമദാന് വ്രതമെടുക്കുന്നവര്ക്ക് സന്തോഷത്തിന്റെ ദിനമാണ് പെരുന്നാള്.
എന്നാല്, പതിവുരീതിയിലുള്ള ആഘോഷത്തിന്റെ സാഹചര്യം ലോകത്തെവിടെയുമില്ല.പള്ളികളിലും ഈദ്ഗാഹുകളിലും ഒത്തുചേര്ന്ന് പെരുന്നാള് നമസ്കരിക്കുക എന്നത് മുസ്ലിങ്ങള്ക്ക് വലിയ പുണ്യകര്മമാണ്. ഇത്തവണ പെരുന്നാള് നമസ്കാരം അവരവരുടെ വീടുകളില് തന്നെയാണ് എല്ലാവരും നിര്വഹിക്കുന്നത്. മനഃപ്രയാസത്തോടെയാണെങ്കിലും സമൂഹത്തിന്റെ സുരക്ഷയും താല്പര്യവും മുന്നിര്ത്തിയാണ് മുസ്ലിം സമുദായ നേതാക്കള് ഇങ്ങനെയൊരു തീരുമാനത്തിലെത്തിയത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ