കാസര്കോട്: ഫാഷന് ഗോള്ഡ് ജ്വല്ലറി നിക്ഷേപ തട്ടിപ്പ് കേസില് അറസ്റ്റിലായ മഞ്ചേശ്വരം എംഎല്എ എം സി കമറുദ്ദീന് ആശുപത്രിയില്. പ്രമേഹം ഉയര്ന്നതിനെ തുടര്ന്ന് കമറുദ്ദീനെ കാസര്കോട് ജനറല് ആശുപത്രിയില് പ്രവേശിപ്പിച്ചു. കാഞ്ഞങ്ങാട് ജില്ലാ ജയിലില് റിമാന്ഡില് കഴിയുന്ന എംസി കമറുദ്ദീനെ കാഞ്ഞങ്ങാട് ജില്ലാ ജയിലില് നിന്നാണ് ആശുപത്രിയിലേക്ക് മാറ്റിയത്.
അതേസമയം കേസില് ജാമ്യം തേടി എം സി കമറുദ്ദീന് ഹൈക്കോടതിയെ സമീപിക്കാന് തീരുമാനിച്ചു. അറസ്റ്റിലായ ആദ്യ മൂന്ന് കേസുകളില് ജാമ്യം തേടി ഹൈക്കോടതിയെ സമീപിക്കാനാണ് കമറുദ്ദീന് തീരുമാനിച്ചത്. കേസുകളുടെ എണ്ണം കൂടുകയും കൂടുതല് കേസുകളില് അറസ്റ്റ് രേഖപ്പെടുത്തുകയും ചെയ്യുന്ന സാഹചര്യത്തിലാണ് കമറുദ്ദീന് ജാമ്യാപേക്ഷയുമായി മേല്ക്കോടതിയെ സമീപിക്കുന്നത്. അതേസമയം കമറുദ്ദീനെ കസ്റ്റഡിയില് വേണമെന്ന് ആവശ്യപ്പെട്ട് പ്രത്യേക അന്വേഷണ സംഘം കോടതിയെ സമീപിച്ചിട്ടുണ്ട്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ