മാനന്തവാടി: ആദിവാസി യുവതി ആശുപത്രിയിലെ ശുചിമുറിയില്‍ പ്രസവിച്ചു. പ്രസവത്തിനായി ആശുപത്രിയില്‍ പ്രവേശിപ്പിച്ച കുഞ്ഞോം കല്ലറ ആദിവാസി കോളനിയിലെ 20കാരിയാണ് ശുചിമുറിയില്‍ പ്രസവിച്ചത്.
പ്രസവ മുറിയില്‍ പ്രവേശിക്കുന്നതിന് മുന്‍പ് കോവിഡ് പരിശോധനാ ഫലത്തിനായി കാത്തിരിക്കുകയായിരുന്നു. ഇതിനിടയില്‍ ശുചിമുറിയിലേക്ക് പോയപ്പോള്‍ അവിടെ വെച്ച് പ്രസവിക്കുകയായിരുന്നു. വയനാട് ജില്ലാ ആശുപത്രിയുടെ സാറ്റ്‌ലൈറ്റ് കേന്ദ്രമായ മാനന്തവാടി സെന്റ് ജോസഫ് മിഷന്‍ ആശുപത്രിയിലാണ് സംഭവം.
യുവതിയുടെ കരച്ചില്‍ കേട്ട് എത്തിയ നഴ്‌സുമാര്‍ പ്രാഥമിക ശുശ്രൂഷ നല്‍കിയ ശേഷം പ്രസവ മുറിയിലേക്ക് മാറ്റി. അമ്മയ്ക്കും കുഞ്ഞിനും ആരോഗ്യ പ്രശ്‌നങ്ങളില്ല.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ