കൊച്ചി: കോവിഡ് വ്യാപനത്തില്‍ തമിഴ്‌നാടിനെയും മറികടന്ന സ്ഥിതിയാണ് കേരളത്തില്‍ ഇപ്പോഴത്തേത്ത്. കഴിഞ്ഞദിവസം പ്രതിദിന വ്യാപനത്തിന്റെ കണത്തില്‍ കേരളം തമിഴ്‌നാടിനെ മറികടന്നിരുന്നു. തുടര്‍ച്ചയായ രണ്ടാംദിവസവും സംസ്ഥാനത്ത് തമിഴ്‌നാടിനെക്കാള്‍ രോഗികള്‍ കൂടുതലാണ്.

തമിഴ്‌നാട്ടില്‍ ഇന്ന് 5,647പേര്‍ക്കാണ് രോഗം സ്ഥിരീകരിച്ചത്. കേരളത്തില്‍ ഇന്ന് ഏറ്റവും ഉയര്‍ന്ന് പ്രതിദിന വര്‍ധനവാണ് റിപ്പോര്‍ട്ട് ചെയ്തിരിക്കുന്നത്, 7006. 

5,612പേര്‍ തമിഴ്‌നാട്ടില്‍ ഇന്ന് രോഗമുക്തരായിട്ടുണ്ട്. 85പേര്‍ മരിച്ചു. 5,75,017പേരാണ് തമിഴ്‌നാട്ടില്‍ ആകെ കോവിഡ് ബാധിതരായത്. 5,19,448പേര്‍ രോഗമുക്തരായി. 9,233പേര്‍ മരിച്ചു. 46,336പേരാണ് തമിഴ്‌നാട്ടില്‍ ചികിത്സയിലുള്ളത്. 

52,678പേരാണ് കേരളത്തില്‍ ചികിത്സയിലുള്ളത്. 1,14,530പേര്‍ രോഗമുക്തരായി. സംസ്ഥാനത്ത് കോവിഡ് ബാധിച്ച് ആകെ മരിച്ചവരുടെ എണ്ണം 656ആണ്.