കൊച്ചി: ആക്ഷന്‍ ഹീറോ ബിജു ഉള്‍പ്പടെ നിരവധി സിനിമകളില്‍ വില്ലന്‍ കഥാപാത്രങ്ങളെ അവതരിപ്പിച്ച നടന്‍ നിരോധിത ലഹരി മരുന്നുമായി പിടിയില്‍. എറണാകുളം സ്വദേശി പ്രസാദ്‌ ആണ് പിടിയിലായത്. എക്‌സൈസ് അധികൃതര്‍ നടത്തിയ പരിശോധനയില്‍ എറണാകുളം നേര്‍ത്തില്‍ വച്ചാണ് മാരകലഹരി മരുന്നുമായി പിടിയിലായത്.
ഹാഷിഷ് ഓയില്‍, ബ്രൂപിനോര്‍ഫിന്‍, കഞ്ചാവ് എന്നീ ലഹരിമരുന്നുകള്‍ക്കൊപ്പം മാരാകായുധവും പ്രസാദില്‍ നിന്നി പിടിച്ചെടുത്തിട്ടുണ്ട്. വിവിധ പൊലീസ് സ്‌റ്റേഷനുകളില്‍ ഇയാള്‍ക്കെതിരെ നിരവധി കേസുകളുണ്ട്. ആക്ഷന്‍ ഹീറോ ബിജുവിന് പുറമെ ഇബ, കര്‍മാനി തുടങ്ങിയ സിനിമകളിലാണ് ഇയാള്‍ അഭിനയിച്ചിട്ടുള്ളത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ