കണ്ണൂര്‍ : പിഎസ് സി ഉദ്യോഗാര്‍ത്ഥികളുടെ സമരം നിയമവിരുദ്ധമെന്ന് സിപിഎം. കാലാവധി കഴിഞ്ഞ റാങ്ക് പട്ടികയിലുള്ളവരാണ് സമരം നടത്തുന്നതെന്ന് സിപിഎം സംസ്ഥാന സെക്രട്ടറി എ വിജയരാഘവന്‍ പറഞ്ഞു. മൂന്നുലക്ഷം പേരെ സ്ഥിരപ്പെടുത്തിയെന്ന് പ്രതിപക്ഷ നേതാവ് രമേശ് ചെന്നിത്തല കള്ളം പറയുകയാണ്. പ്രതിപക്ഷ നേതാവ് ഈ കണക്കുകള്‍ പുറത്തുവിടാനും വിജയരാഘവന്‍ വെല്ലുവിളിച്ചു.
സെക്രട്ടേറിയറ്റിന് മുന്നിലെ സമരപ്പന്തല്‍ ആസൂത്രിത അക്രമത്തിന് വേണ്ടിയെന്നും വിജയരാഘവന്‍ ആരോപിച്ചു. സര്‍ക്കാരിനെതിരെ ചെറുപ്പക്കാരെ ഉപകരണമാക്കാന്‍ ശ്രമം നടക്കുകയാണ്. കോണ്‍ഗ്രസ് ഉന്നയിക്കുന്നത് സാധ്യമല്ലാത്ത കാര്യങ്ങളാണ്. സര്‍ക്കാര്‍ നിയമവിരുദ്ധമായി പ്രവര്‍ത്തിക്കണമെന്നാണ് കോണ്‍ഗ്രസ് ആവശ്യപ്പെടുന്നതെന്നും വിജയരാഘവന്‍ പറഞ്ഞു.
സെക്രട്ടേറിയറ്റിനു മുന്നില്‍ പിഎസ് സി ഉദ്യോഗാര്‍ഥികള്‍ നടത്തുന്ന സമരം ഇരുപത്തിനാലാം ദിവസത്തിലേക്ക് കടന്നു. സര്‍ക്കാര്‍ ഇടപെടല്‍ ആവശ്യപ്പെട്ട് സമരം ശക്തമാക്കാനാണ് ഉദ്യോഗാര്‍ഥികളുടെ തീരുമാനം. ഉദ്യോഗാര്‍ഥികള്‍ക്ക് പിന്തുണ പ്രഖ്യാപിച്ച് എംഎല്‍എമാരായ ഷാഫി പറമ്പിലും, കെ.എസ്. ശബരിനാഥും നടത്തുന്ന നിരാഹാരം തുടരുകയാണ്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ