പത്തനംതിട്ട: റാന്നി പഞ്ചായത്തിൽ എൽഡിഎഫ്‌ പ്രസിഡൻറ് സ്ഥാനാർഥിക്ക്  വോട്ട് ചെയ്ത ബിജെപി അംഗങ്ങളെ പാർട്ടി സസ്‌പെൻഡ് ചെയ്തു. കെപി രവീന്ദ്രൻ, വിനോദ് എഎസ് എന്നിവർക്കെതിരെയാണ് നടപടി. 

പഞ്ചായത്ത് അധ്യക്ഷ തെരഞ്ഞെടുപ്പിൽ എൽഡിഎഫ് സ്ഥാനാർത്ഥിയാക്കിയ കേരള കോൺഗ്രസ് മാണി വിഭാഗം അംഗം ശോഭ ചാർളിക്ക് ഇരുവരും വോട്ട് ചെയ്തത് വിവാദം ആയിരുന്നു. നേരത്തെ ശോഭ ചാർളിയെ എൽഡിഎഫ്  പുറത്താക്കിയിരുന്നു. മുന്നണി ആവശ്യപ്പെട്ടിട്ടും രാജി വയ്ക്കാൻ ശോഭ ചാർളി തയ്യാറാകാത്തിനെ തുടർന്നായിരുന്നു നടപടി.