ന്യൂഡല്‍ഹി: നിയമസഭ തെരഞ്ഞെടുപ്പ് പ്രവര്‍ത്തനങ്ങള്‍ക്കായി സംസ്ഥാനത്ത് എഐസിസി നിരീക്ഷകരെ നിയോഗിച്ചു. അശോക് ഗെഹ്‌ലോട്ട്, ലൂസിനോ ഫെലിറോ, ജി പരമേശ്വര എന്നിവരാണ് നിരീക്ഷകര്‍. തെരഞ്ഞെടുപ്പ് പ്രചാരണങ്ങളും പ്രവര്‍ത്തനങ്ങളും ഏകോപനങ്ങളും ഇവര്‍ വിലയിരുത്തും.
തദ്ദേശ തെരഞ്ഞെടുപ്പിലേറ്റ തിരിച്ചടി വിലയിരുത്താനും നിയമസഭ തെരഞ്ഞെടുപ്പിനുള്ള ഒരുക്കങ്ങള്‍ ആരംഭിക്കാനുമായി സംസ്ഥാനത്തിന്റെ ചുമതലയുള്ള എഐസിസി സെക്രട്ടറി താരിഖ് അന്‍വര്‍ കേരളത്തിലെത്തിയിരുന്നു.
നിയമസഭ തെരഞ്ഞെടുപ്പ് നടക്കുന്ന അസം, തമിഴ്‌നാട്, പുതുച്ചേരി, പശ്ചിമ ബംഗാള്‍ എന്നീ സംസ്ഥാനങ്ങളിലേക്കും എഐസിസി നിരീക്ഷകരെ നിയോഗിച്ചിട്ടുണ്ട്. അസമില്‍ ഭൂപേഷ് ബാഗേല്‍, മുകുള്‍ വാസ്‌നിക്, ഷക്കീല്‍ അഹമ്മദ് ഖാന്‍ എന്നിവര്‍ക്കാണ് ചുമതല.
തമിഴ്‌നാട്ടിലും പുതുച്ചേരിയിലും വീരപ്പ മൊയ്‌ലി, എം എം പള്ളം രാജു, നിതിന്‍ റാവത്ത് എന്നിവര്‍ മേല്‍നോട്ടം വഹിക്കും. പശ്ചിമ ബംഗാളില്‍ ബി കെ ഹരിപ്രസാദ്, അലംഗിര്‍ അലം, വിജയ് ഇന്‍ര്‍ സിംഗ്‌ല എന്നിവര്‍ക്കാണ് ചുമതല.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ