തിരുവനന്തപുരം: സംസ്ഥാനത്തെ മൂന്ന് സംഭരണ കേന്ദ്രങ്ങളിലും കോവിഡ് വാക്‌സിന്‍ തീര്‍ന്നു. എറണാകുളം, കോഴിക്കോട് മേഖലകളിലേക്ക് വാക്‌സിന്‍ നാളെ എത്തുമെന്നാണ് റിപ്പോര്‍ട്ടുകള്‍.
തിരുവനന്തപുരം, പത്തനംതിട്ട, തൃശൂര്‍, കോട്ടയം തുടങ്ങി ഒട്ടുമിക്ക ജില്ലകളിലും കോവീഷീല്‍ഡ് വാക്‌സിന്‍ തീര്‍ന്നു. അവശേഷിക്കുന്നത് നാമമാത്രമാണ്. കോവാക്‌സിന്‍ ഡോസ് മാത്രമാണ് സംസ്ഥാനത്തുള്ളത്. ഒരുലക്ഷത്തോളം വാക്‌സിന്‍ മാത്രമാണ് ഉള്ളത്. നാളെ വാക്‌സിന്‍ എത്തിയില്ലെങ്കില്‍ സംസ്ഥാനത്ത് വാക്‌സിന്‍ വിതരണം നിലയ്ക്കും.
ബുധനാഴ്ച എറണാകുളം, കോഴിക്കോട് ജില്ലകളില്‍ നാല് ലക്ഷത്തോളം ഡോസ് വാക്‌സിന്‍ എത്തുമെന്നാണ് അനൗദ്യോഗിക റിപ്പോര്‍ട്ടുകള്‍. സംസ്ഥാനത്ത് വാക്‌സിന്‍ സ്‌റ്റോക്ക് സീറോയാണെന്ന് തിങ്കളാഴ്ച ആരോഗ്യമന്ത്രി വീണാ ജോര്‍ജ് അറിയിച്ചിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ