തിരുവനന്തപുരം: ജെഡിഎസിനും എല്‍ജെഡിക്കും നാല് വീതം സീറ്റുകള്‍ നല്‍കാന്‍ ധാരണ. കോവളം, തിരുവല്ല, ചിറ്റൂര്‍, അങ്കമാലി സീറ്റുകളാണ് ജെഡിഎസിന് നല്‍കുക. അവരുടെ സിറ്റിങ് സീറ്റായ വടകര മണ്ഡലം എല്‍ജെഡിക്ക് നല്‍കാനാണ് ധാരണ. വടകര സീറ്റ് പിടിച്ചെടുത്തതില്‍ ജെഡിഎസ് നേതൃത്വം അതൃപ്തി അറിയിച്ചിട്ടുണ്ട്.
എല്‍ജെഡിക്ക് കല്‍പ്പറ്റ, വടകര, കൂത്തുപറമ്പ് സീറ്റുകളും തെക്കന്‍ കേരളത്തില്‍ ഒരു സീറ്റും നല്‍കാനാണ് ധാരണയായത്. എല്‍ജെഡിക്ക് നല്‍കിയ മൂന്ന് സീറ്റുകളും കഴിഞ്ഞ തവണ എല്‍ഡിഎഫിനൊപ്പം നിന്ന മണ്ഡലങ്ങളാണ്.
എന്‍സിപിക്ക് മൂന്ന് സീറ്റുകള്‍ നല്‍കും. എലത്തൂരോ, കുട്ടനാട് സീറ്റുകളില്‍ ഏതെങ്കിലും ഒന്നുവച്ചുമാറണമെന്ന് സിപിഎം ആവശ്യപ്പെട്ടിട്ടുണ്ട്. എലത്തൂര്‍ എന്‍സിപിക്ക് നല്‍കി കുട്ടനാട് സീറ്റ് സിപിഎമ്മിന് നല്‍കിയേക്കും.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ