കോഴിക്കോട്: മിനിറ്റുകൾക്കുള്ളിൽ രണ്ട് ഡോസ് കോവിഡ് വാക്സിനും കുത്തിവെച്ചെന്ന പരാതിയുമായി കോഴിക്കോട് കെട്ടാങ്ങൽ സ്വദേശിനി. ഇതോടെ കടുത്ത പനിയും തലവേദനയും ശ്വാസം മുട്ടലും അനുഭവപ്പെട്ട മധ്യവയസ്ക്ക ചികിത്സ തേടി. സംഭവത്തിൽ ഇവർ ജില്ലാ മെഡിക്കൽ ഓഫീസർക്ക് പരാതി നൽകി.
കളന്തോട് കോഴിശേരികുന്നുമ്മൽ പ്രസീതയ്ക്കാണ് രണ്ട് ഡോസ് കോവിഡ് വാക്സീൻ മിനിറ്റുകൾക്കുള്ളിൽ നൽകിയത്. കഴിഞ്ഞ വെള്ളിയാഴ്ചയാണ് ഇവർ കോവിഡ് വാക്സിൻ എടുക്കാൻ കോഴിക്കോട് ബീച്ച് ആശുപത്രിയിൽ എത്തിയത്. ഇവിടെ വെച്ച് ഒരു ഡോസ് വാക്സീൻ എടുത്ത ഉടനെ അടുത്ത ഡോസും കുത്തിവച്ചതായാണ് പരാതി.
ആശുപത്രിയിലെ നഴ്സിന് അബദ്ധം പറ്റിയതാണെന്നാണ് പ്രസീത പറയുന്നു.കടുത്ത പനിയും തലവേദനയും ശ്വാസതടസവും അനുഭവപ്പെട്ടതോടെ ഇവർ ആരോഗ്യ വകുപ്പുമായി ബന്ധപ്പെട്ടു. തുടർന്ന് ഉടൻ ചികിത്സ തേടാൻ നിർദേശിക്കുകയായിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ