തൃശൂര്‍: ഇരിങ്ങാലക്കുടയില്‍ എല്‍ഡിഎഫ് സ്ഥാനാര്‍ത്ഥി ആര്‍ ബിന്ദു വിജയിച്ചു. ആറായിരത്തിലധികം വോട്ടുകളുടെ ഭൂരിപക്ഷത്തില്‍ യുഡിഎഫിന്റെ തോമസ് ഉണ്ണിയാടനെയാണ് ബിന്ദു പരാജയപ്പെടുത്തിയത്.
എന്‍ഡിഎ സ്ഥാനാര്‍ത്ഥിയായി മുന്‍ ഡിജിപി ജേക്കബ് തോമസ് വന്നതോടെ ത്രികോണ മത്സരമാണ് നടന്നത്. സംസ്ഥാനം ഉറ്റുനോക്കിയ മണ്ഡലം ആര്‍ ബിന്ദു നിലനിര്‍ത്തുകയായിരുന്നു. കഴിഞ്ഞതവണ കെ യു അരുണനാണ് യുഡിഎഫ് മണ്ഡലം പിടിച്ചെടുത്തത്.
മണ്ഡലം തിരിച്ചുപിടിക്കാന്‍ തോമസ് ഉണ്ണിയാടനെ തന്നെ യുഡിഎഫ് നിയോഗിക്കുകയായിരുന്നു. ഇടതുവലതുമുന്നണികള്‍ മാറിമാറി വിജയിച്ച മണ്ഡലത്തില്‍ 2001 മുതല്‍ 2011 വരെ കാലയളവില്‍ മൂന്ന് തവണയാണ് തോമസ് ഉണിയാടന്‍ വിജയിച്ചത്. തുടര്‍ന്നാണ് എല്‍ഡിഎഫ് മണ്ഡലം തിരിച്ചുപിടിച്ചത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ