കോട്ടയം: കോട്ടയത്ത് റോഡരികില്‍ വെട്ടിമാറ്റിയ കാല്‍പാദം കണ്ടെത്തി. കങ്ങഴ ഇടയപാറയിലാണ് വെട്ടിമാറ്റിയ നിലയില്‍ യുവാവിന്റെ കാല്‍പാദം കണ്ടെത്തിയത്. ഇതിന് മീറ്ററുകള്‍ക്ക് സമീപം റബര്‍തോട്ടത്തില്‍നിന്ന് മൃതദേഹവും കണ്ടെടുത്തു.
വ്യാഴാഴ്ച വൈകിട്ടോടെയാണ് സംഭവം. പത്തനാട് സ്വദേശി മഹേഷ് തമ്പാന്‍ ആണ് കൊല്ലപ്പെട്ടതെന്ന് സ്ഥിരീകരിച്ചു. മുന്‍വൈരാഗ്യമാണ് കൊലപാതകത്തിന് പിന്നിലെന്നാണ് സൂചന.
സംഭവവുമായി ബന്ധപ്പെട്ട് രണ്ടുപേര്‍ മണിമല പൊലീസ് സ്‌റ്റേഷനില്‍ കീഴടങ്ങി. ജയേഷ്, സച്ചു ചന്ദ്രന്‍ എന്നിവരാണ് കീഴടങ്ങിയത്. ഇവരെ പൊലീസ് ചോദ്യംചെയ്തുവരികയാണ്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ