കൊല്ലം: പുനലൂര്‍ എംഎല്‍എ പിഎസ് സുപാല്‍ സിപിഐ കൊല്ലം ജില്ലാ സെക്രട്ടറി. മത്സരം ഒഴിവാക്കാനുള്ള സംസ്ഥാന നേതൃത്വത്തിന്റെ നിര്‍ദേശം ജില്ലാ സമ്മേളന പ്രതിനിധികള്‍ ഏകകണ്‌ഠേന അംഗികരിച്ചു. ഔദ്യോഗിക പക്ഷത്തിന്റെ എതിര്‍ ചേരിയില്‍ പ്രധാനിയായിരുന്നു പി എസ് സുപാല്‍. അച്ചടക്ക ലംഘനത്തിന് മൂന്നു മാസത്തേക്ക് സസ്‌പെന്‍ഷന്‍ നേരിട്ടിരുന്നു.
സിപിഐ ജില്ലാ എക്‌സിക്യൂട്ടീവ് യോഗത്തില്‍ സംസ്ഥാന കൗ ണ്‍സില്‍ അംഗം ആര്‍ രാജേന്ദ്രനുമായി നടന്ന വാക്കേറ്റത്തെ തുടര്‍ന്നാണ് സുപാലിനെ കഴിഞ്ഞവര്‍ഷം മൂന്നു മാസത്തേക്ക് സസ്‌പെന്റ് ചെയ്തത്.
സിപിഐയില്‍ ഔദ്യോഗിക പക്ഷത്തിനെ എതിര്‍ക്കുന്നവര്‍ സജീവമായ ജില്ലയാണ് കൊല്ലം. മത്സരം ഒഴിവാക്കാനായി സംസ്ഥാന സെക്രട്ടറി കാനം രാജേന്ദ്രനാണ് സുപാലിനെ ജില്ലാ സെക്രട്ടറിയാക്കാമെന്ന നിര്‍ദേശം മുന്നോട്ടുവച്ചത്. സംസ്ഥാന അസിസ്റ്റന്റ് സെക്രട്ടറി പ്രകാശ് ബാബുവും ഇതിനോട് യോജിക്കുകയായിരുന്നു.
ഈ വാര്‍ത്ത കൂടി വായിക്കൂ 'വിമര്‍ശനങ്ങളോട് ആരും അസഹിഷ്ണുത കാണിക്കേണ്ട'; മാധ്യമങ്ങളോട് മുഖ്യമന്ത്രി
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ