തൃശൂര്‍: ചൂണ്ടയിടുന്നതിനിടെ മീൻ തൊണ്ടയിൽ കുടുങ്ങിയ ആളെ രക്ഷപ്പെടുത്തി. ചൂണ്ടയിൽ നിന്നും മീൻ കടിച്ച് മാറ്റുന്നതിനിടയിലാണ്  മീൻ തൊണ്ടയില്‍ കുരുങ്ങിയത്. വലക്കാവ് പാറത്തൊട്ടിയിൽ വർഗീസിന്റെ തൊണ്ടയിലാണ് മീൻ കുടുങ്ങിയത്. 

12 സെന്റീമീറ്റർ നീളമുണ്ടായിരുന്ന മത്സ്യമാണ് തൊണ്ടയിൽ കുടുങ്ങിയത്. മീൻ തൊണ്ടയിൽ കുടുങ്ങിയതോടെ ശ്വാസ തടസവും രക്തസ്രാവവും ഉണ്ടായി. ഇതോടെ ജൂബിലി മിഷൻ ആശുപത്രിയിൽ പ്രവേശിപ്പിച്ചു.

എമർജൻസി വിഭാഗത്തിൽ വെച്ച് രക്തസ്രാവത്തെ തുടർന്ന് മീനിനെ പുറത്തെടുക്കാനായില്ല. ശസ്ത്രക്രിയയിലൂടെയാണ് മത്സ്യം നീക്കം ചെയ്തത്. ആദ്യം ട്രക്കിയോസ്റ്റമി നടത്തി ശ്വാസ തടസം മാറ്റിയശേഷമാണ് മത്സ്യത്തെ പുറത്തെടുത്തത്.