തിരുവനന്തപുരം: ആംബുലന്‍സ് ഇടിച്ച് ബൈക്ക് യാത്രക്കാരന് ദാരുണാന്ത്യം. ഇന്ന് രാവിലെ വെഞ്ഞാറമൂടാണ് അപകടമുണ്ടായത്. അപകടം സംഭവിക്കുമ്പോൾ ആംബുലന്‍സ് ഓടിച്ചത് പുരുഷ നഴ്‌സായ അമല്‍ (22) ആണെന്ന് പൊലീസ് കണ്ടെത്തി. പിരപ്പന്‍കോട് സ്വദേശി ഷിബു (35)വാണ് മരിച്ചത്. ഒപ്പമുണ്ടായിരുന്ന മകള്‍ അലംകൃതയ്ക്ക് (നാല്) ഗുരുതരമായി പരിക്കേറ്റു.
ശനിയാഴ്ച രാവിലെ 6.30ഓടെ വെഞ്ഞാറമൂട് പൊലീസ് സ്‌റ്റേഷന് സമീപമായിരുന്നു അപകടം. ഇടുക്കിയില്‍ നിന്ന് തിരുവനന്തപുരത്തേക്ക് മടങ്ങിവരികയായിരുന്ന ആംബുലന്‍സ് നിയന്ത്രണം വിട്ട് ബൈക്കിലിടിക്കുകയായിരുന്നു. ഡ്രൈവറായ വിനീതും നഴ്‌സായ അമലുമാണ് ആംബുലന്‍സിലുണ്ടായിരുന്നത്.
ഇടുക്കിയില്‍ നിന്ന് തിരികെ വരുന്നതിനിടെ ഡ്രൈവര്‍ ക്ഷീണിതനായതോടെ നഴ്‌സിനെ വാഹനം ഓടിക്കാന്‍ ഏല്‍പ്പിച്ചെന്നാണ് കരുതുന്നത്. തുടര്‍ന്ന് തിരികെയുള്ള യാത്രയില്‍ നഴ്സ് ആംബുലന്‍സ് ഓടിക്കുകയായിരുന്നു. ഡ്രൈവറായ വിനീതും നഴ്സ് അമലും വെഞ്ഞാറമൂട് പൊലീസിന്റെ കസ്റ്റഡിയിലുണ്ട്.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ