തിരുവനന്തപുരം: സംസ്ഥാനത്തെ കയര്‍,കശുവണ്ടി തൊഴിലാളികളുടെ ബോണസ് പ്രഖ്യാപിച്ചു. തൊഴില്‍ വകുപ്പ് മന്ത്രി വി ശിവന്‍കുട്ടിയുടെ അധ്യക്ഷതയില്‍ വ്യവസായ വകുപ്പ് മന്ത്രി പി രാജീവിന്റെ സാന്നിധ്യത്തില്‍ ചേര്‍ന്ന വ്യവസായ ബന്ധസമിതി യോഗത്തിലാണ് തീരുമാനം.
കയര്‍ തൊഴിലാളികള്‍ക്ക് 2023ലെ ഓണം/ ക്രിസ്മസ് ഫൈനല്‍ ബോണസ് 30.34 % ആണ്. തൊഴിലാളിയുടെ ആകെ വരുമാനത്തിന്റെ 20% ബോണസും 10.34 ശതമാനം ഇന്‍സെന്റീവും ഉള്‍പ്പെടെയാണിത്.കശുവണ്ടി തൊഴിലാളികള്‍ക്ക് ഓണം ബോണസായി 20 ശതമാനവും ഇന്‍സെന്റീവ് ആയി 10000 രൂപയും നല്‍കാനും തീരുമാനിച്ചു.
യോഗത്തില്‍ ലേബര്‍ കമ്മീഷണര്‍ ഡോ. കെ വാസുകി ഐഎഎസ്, അഡീഷണല്‍ ലേബര്‍ കമ്മീഷണര്‍ ഐആര്‍കെ ശ്രീലാല്‍, വ്യവസായ ബന്ധസമിതിയിലെ തൊഴിലാളി - തൊഴിലുടമാ പ്രതിനിധികള്‍ തുടങ്ങിയവര്‍ പങ്കെടുത്തു.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ