തിരുവനന്തപുരം: കെഎസ്ആര്‍ടിസിക്ക് പെന്‍ഷന്‍ നല്‍കുന്നതിനായി സംസ്ഥാന സര്‍ക്കാര്‍ സഹായമായി 71 കോടി രൂപ കൂടി അനുവദിച്ചു. ധനമന്ത്രി കെ എന്‍ ബാലഗോപാല്‍ ആണ് ഇക്കാര്യം അറിയിച്ചത്.  നവംബര്‍ മുതല്‍ പെന്‍ഷന് ആവശ്യമായ തുക സഹകരണ സംഘങ്ങളുടെ കണ്‍സോഷ്യം വഴി ലഭ്യമാക്കാനായിരുന്നു മുന്‍ തീരുമാനം. 

ഈ നടപടികള്‍ പൂര്‍ത്തിയാകാത്ത സാഹചര്യത്തിലാണ് ഈ മാസത്തെ പെന്‍ഷന്‍ വിതരണത്തിന് ആവശ്യമായ തുക സഹായമായി നല്‍കാന്‍ സര്‍ക്കാര്‍ തീരുമാനിച്ചത്. 

കോര്‍പറേഷന് ഒമ്പത് മാസത്തിനുള്ളില്‍ 1,335 കോടി രൂപയാണ് സര്‍ക്കാര്‍ നല്‍കിയത്.  900 കോടിയാണ് ഈ വര്‍ഷത്തെ ബജറ്റില്‍ അനുവദിച്ചിട്ടുള്ളത്. 5,034 കോടി രൂപയാണ് കെഎസ്ആര്‍ടിസിക്ക്  രണ്ടാം പിണറായി സര്‍ക്കാര്‍ സഹായമായി നല്‍കിയത്. ഒന്നാം പിണറായി സര്‍ക്കാര്‍ 4936 കോടി നല്‍കി. 9970 കോടി രൂപയാണ് രണ്ട് എല്‍ഡിഎഫ് സര്‍ക്കാരുകള്‍ ഏഴര വര്‍ഷത്തിനുള്ളില്‍ നല്‍കിയത് . യുഡിഎഫ് സര്‍ക്കാരിന്റെ അഞ്ചുവര്‍ഷത്തെ ആകെ സഹായം 1,543 കോടി രൂപയാണ്. 

ഈ വാര്‍ത്ത കൂടി വായിക്കൂ 

ആരാണ് പൗരപ്രമുഖര്‍?; വിവരങ്ങള്‍ ചീഫ് സെക്രട്ടറിയുടെ ഓഫീസില്‍ ലഭ്യമല്ലെന്ന് മറുപടി; അപ്പീല്‍ നല്‍കുമെന്ന് അപേക്ഷകൻ

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ