തിരുവനന്തപുരം: ആരോഗ്യപ്രവര്‍ത്തകരെ സംരക്ഷിക്കാന്‍ കഴിയാത്ത മന്ത്രി രാജിവച്ചൊഴിയണമെന്ന് മഹിളാ കോൺഗ്രസ് അധ്യക്ഷ ജെബി മേത്തർ എംപി. ഡോക്ടർമാർ മുന്നോട്ടുവെച്ച ആവശ്യങ്ങൾ ഉടൻ നടപ്പാക്കണം. ആരോഗ്യപ്രവർത്തകരുടെ സുരക്ഷ ഉറപ്പാക്കണമെന്നും ജെബി മേത്തർ തിരുവനന്തപുരത്ത് ആവശ്യപ്പെട്ടു.
ഡോ.വന്ദന ദാസിനും ആരോഗ്യപ്രവര്‍ത്തകര്‍ക്കും നീതി ആവശ്യപ്പെട്ട് മഹിളാ കോണ്‍ഗ്രസ് സെക്രട്ടേറിയറ്റിനു മുമ്പില്‍ ഉപവാസ സമരം തുടങ്ങി. രാവിലെ ആറിന് ആരംഭിച്ച ഉപവാസം വൈകിട്ട് ആറുവരെയാണ്. ജീവൻ കാക്കുന്നവരുടെ ജീവനുവേണ്ടി, ജസ്റ്റിസ് ഫോർ ഡോക്ടർ വന്ദന ദാസ്, ജസ്റ്റിസ് ഫോർ ഡോക്ടേഴ്സ് ആന്റ് ഹെൽത്ത് വർക്കേഴ്സ് എന്ന മുദ്രാവാക്യം ഉയർത്തിയാണ് സമരം.
കേരളത്തിലെ ഡോക്ടർമാർക്കും ആരോഗ്യപ്രവർത്തകർക്കും ഐക്യദാർഢ്യം പ്രകടിപ്പിച്ചുകൊണ്ടാണ് മഹിളാ കോൺഗ്രസ് ഉപവാസ സമരം നടത്തുന്നതെന്ന് ജെബി മേത്തർ പറഞ്ഞു. ആരോഗ്യമന്ത്രിക്ക് വേണ്ടത് എല്ലാവരെയും ഉൾക്കൊള്ളാൻ കഴിയുന്ന ഹൃദയമാണ്. എന്നാൽ കേരളത്തിലെ ആരോഗ്യമന്ത്രിക്ക് ഹൃദയമുണ്ടോ എന്നുപോലും സംശയമാണെന്നും ജെബി മേത്തർ പറഞ്ഞു.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ