ആലപ്പുഴ: കുട്ടനാട്ടില് സിപിഎം ജാഥയ്ക്കിടെ സിപിഐക്ക് പരിഹാസം. സിപിഎം വിട്ടുപോയവര് ഈര്ക്കിലി പാര്ട്ടിയിലേക്കാണ് പോയതെന്ന് ജില്ലാ സെക്രട്ടേറിയറ്റ് അംഗം കെ പ്രസാദ് പരിഹസിച്ചു. റിവിഷനിസ്റ്റുകളെ കൈകാര്യം ചെയ്യാന് പാര്ട്ടിക്കറിയാമെന്നും പ്രസാദ് വെല്ലുവിളിച്ചു.
'കഴുതയെ പോലെ ചിന്തിക്കുന്ന കുറെ മനുഷ്യരാണ് പാര്ട്ടി വിട്ടത്. ആന വാപൊളിക്കുന്നതു പോലെ അണ്ണാന് വാ പൊളിക്കാന് സാധിക്കുമോ. സിപിഐ ആളെ നിരത്തി പ്രകടനം നടത്തിയാല് സിപിഎം അതിനേക്കാള് കൂടുതല് ആളെയിറക്കി പ്രകടനം നടത്തും'-കെ പ്രസാദ് പറഞ്ഞു.
സിപിഎം ജില്ലാ സെക്രട്ടറിയെ അധിക്ഷേപിച്ചാല് സിപിഐയുടെ അഖിലേന്ത്യാ സെക്രട്ടറിയെ അധിക്ഷേപിക്കുമെന്നായിരുന്നു കുട്ടനാട് ഏര്യാ സെക്രട്ടറി ബ്രീവന്റെ പ്രതികരണം. അതിന് അന്തസ്സും ചങ്കുറപ്പുമുള്ള പാര്ട്ടിയാണ് സിപിഎം എന്നും ബ്രീവന് കൂട്ടിച്ചേര്ത്തു.
രാമങ്കരിയിലെ രാഷ്ട്രീയ വിശദീകരണ യോഗത്തിലായിരുന്നു സിപിഐക്കെതിരെ സിപിഎം നേതാക്കള് രൂക്ഷമായ വിമര്ശനം ഉന്നയിച്ചത്. കുട്ടനാട്ടില് 222 പേരാണ് സിപിഎം വിട്ട് സിപിഐയുടെ ഭാഗമായത്. പാര്ട്ടി വിട്ട സിപിഎമ്മുകാരെ ഉള്പ്പെടുത്തി കഴിഞ്ഞ ദിവസം സിപിഐ റാലി നടത്തിയിരുന്നു. ഇതിനു മറുപടിയായാണ് സിപിഎമ്മിന്റെ ശക്തിപ്രകടനം. സിപിഎമ്മിന്റെ കൊടികള് നശിപ്പിച്ചതിനെതിരെയും പൊലീസില് പരാതി നല്കിയിട്ടുണ്ട്.
ഈ വാര്ത്ത കൂടി വായിക്കൂ കണ്ണോത്തുമല ജീപ്പ് ദുരന്തം; മരിച്ചവരുടെ ആശ്രിതര്ക്ക് പത്ത് ലക്ഷം രൂപ ധനസഹായം
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ