പുഴയില്‍ കഴിയുമ്പോള്‍
മീനുകളെ പിടിച്ച്
ഭക്ഷണമാക്കുന്നു
ആകാശത്തു കഴിയുമ്പോള്‍
പക്ഷികളെ പിടിച്ച്
കൂട്ടിലിടുന്നു
മൃഗങ്ങളേയും ഇതുതന്നെ ചെയ്യുന്നു
അവയ്ക്ക് പരാതി പറയാന്‍
ആരുമില്ലാത്തതിനാല്‍
ജനിച്ചതിനും ജീവിച്ചതിനും തെളിവില്ലാതെ
മറഞ്ഞുപോകുന്നു
റേഷന്‍ കാര്‍ഡും
മേല്‍വിലാസവുമുള്ള ഒരാള്‍
ചിലപ്പോള്‍ മീനാകുന്നു
ചിലപ്പോള്‍ പക്ഷി
ചിലപ്പോള്‍ മൃഗം
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ