തരത്തിന് ഒത്തുകിട്ടി,

പെരുവഴിയില്‍,

പാതിരായ്ക്ക്.

മാനവ ദുഃഖത്തിന്

ശാശ്വത പരിഹാരം തേടി

ഒറ്റയ്ക്കു നടക്കുകയായിരുന്നു;

ഭാര്യയേയും പുത്രനേയും വെടിഞ്ഞ്.

*ആജ്ഞയില്‍ പറഞ്ഞപോലെ,

കണ്ടത്,

തെരുവില്‍ വെച്ചുതന്നെ!

ഒന്നുമാലോചിച്ചില്ല;

പിന്നില്‍നിന്നുള്ള

ഒറ്റക്കുത്തിന്,

കഥ കഴിച്ചു.

പോക്കറ്റില്‍നിന്ന്

ഐഡിയെടുത്തു പരിശോധിച്ചു,

ആളെ ഉറപ്പാക്കാന്‍.

വിലാസം

പഴയതുതന്നെയായിരുന്നു:

സിദ്ധാര്‍ത്ഥന്‍,

S/o ശുദ്ധോദനന്‍

ലുംബിനി പി.ഒ.,

കപിലവസ്തു.

---

*If you meet Budha on the road, kill him!” ചൈനീസ് ബുദ്ധസന്ന്യാസി ലിന്‍ചി പറഞ്ഞതായറിയപ്പെടുന്ന ഉദ്ധരണി.

ഈ കവിത കൂടി 

വായിക്കാം 
ഫിജി ഫിജി