പ്രധാനമന്ത്രി നരേന്ദ്ര മോഡിയെ അമേരിക്കയിലേക്ക് ക്ഷണിച്ച് അമേരിക്കന്‍ പ്രസിഡന്റ് ഡൊണാള്‍ഡ് ട്രംപ്. ഉത്തര്‍ പ്രദേശ് തെരഞ്ഞെടുപ്പില്‍ നേടിയ വിജയത്തില്‍ അഭിനന്ദിക്കാന്‍ കഴിഞ്ഞ ദിവസം ഫോണില്‍ വിളിച്ചപ്പോഴാണ് ട്രംപ് മോഡിയെ അമേരിക്കയിലേക്കു ക്ഷണിച്ചത്. ഈ വര്‍ഷം അവസാനം മോഡിക്ക് വൈറ്റ് ഹൗസില്‍ സ്വീകരണം നല്‍കാനാണ് തീരുമാനമെന്ന് വൈറ്റ് ഹൗസ് പ്രസ്ഥാവനയില്‍ അറിയിച്ചു. നേരത്തെ യുഎസ് പ്രസിഡന്റ് സ്ഥാനം ഏറ്റെടുത്തതിനു പിന്നാലെ മോഡിയെ വിളിച്ച ട്രംപ് ദക്ഷിണ മധ്യേഷ്യയിലെ സുരക്ഷാസംവിധാനങ്ങള്‍ ശക്തിപ്പെടുത്തുന്നതിനെക്കുറിച്ചും ചര്‍ച്ച ചെയ്തിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ