വാഷിങ‌്ടണ്‍: സൗദിയുമായുള്ള ആയുധക്കരാറില്‍ നിന്ന‌് പിന്മാറില്ലെന്ന‌് അമേരിക്കന്‍ പ്രസിഡന്റ‌് ഡൊണാള്‍ഡ‌് ട്രംപ്. 11,000 കോടി ഡോളറിന്റെ കരാറാണ‌് സൗദിയുമായി അമേരിക്കയ‌്ക്കുള്ളത‌്.
അതേസമയം മാധ്യമപ്രവർത്തകൻ ജമാൽ ഖഷോഗിയുടെ കൊലപാതകത്തിലും അതുമായി ബന്ധപ്പെട്ട‌് സൗദി നടത്തുന്ന അന്വേഷണത്തിലും കടുത്ത വിയോജിപ്പുണ്ടെന്ന‌് ട്രംപ് പറഞ്ഞു. സൗദിയിലും തുര്‍ക്കിയിലും അമേരിക്കയുടെ ഉദ്യോഗസ്ഥ സംഘമുണ്ടെന്നും കൊലപാതകവുമായി ബന്ധപ്പെട്ട തെളിവുകള്‍ ഇവര്‍ ശേഖരിക്കുന്നതായും ട്രംപ് പറഞ്ഞു.
2017 മെയ‌ില്‍ സൗദി സന്ദര്‍ശിച്ചപ്പോഴാണ‌് ട്രംപ് പ്രതിരോധ കരാറില്‍ ഏര്‍പ്പെട്ടത‌്. നേരത്തെ സൗദിയുമായുള്ള കോടികളുടെ പ്രതിരോധ കരാറില്‍നിന്ന‌് കാനഡ പിന്മാറിയിരുന്നു. സൗദിയുമായി ഇനി ആയുധക്കച്ചവടം നടത്തില്ലെന്ന‌് ജര്‍മന്‍ ചാന്‍സലര്‍ ആംഗല മെര്‍ക്കലും പ്രഖ്യാപിച്ചിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ