വാഷിങ്ടണ്‍: അമേരിക്കയിലെ നോര്‍ത്ത് കരോലിന സര്‍വകലാശാലയില്‍ വെടിവയ്പ്പ്. വെടിവയ്പ്പില്‍ രണ്ട് പേര്‍ കൊല്ലപ്പെട്ട്. നാല് പേര്‍ക്ക് പരിക്കേറ്റതായുമാണ് റിപ്പോര്‍ട്ട്.
ക്യാംപസിനുള്ളില്‍ എത്തിയ അജ്ഞാതന്‍ വെടിയുതിര്‍ക്കുകയായിരുന്നു. ചൊവ്വാഴ്ച രാത്രിയോടെയായിരുന്നു സംഭവം. പരിക്കേറ്റവരില്‍ രണ്ട് പേരുടെ നില ഗുരുതരമാണ്. വെടിവയ്പ്പുമായി ബന്ധപ്പെട്ട് ഒരാളെ പൊലീസ് കസ്റ്റഡിയില്‍ എടുത്തു.
വെടിവയ്പ്പിന് പിന്നാലെ സര്‍വകലാശാല അടച്ചു. സര്‍വകലാശാലയില്‍ ക്ലാസുകള്‍ അവസാനിക്കുന്ന ദിവസമായിരുന്നു ആക്രമണം. തൊട്ടടുത്ത ദിവസം മുതല്‍ പരീക്ഷകള്‍ ആരംഭിക്കുവാനിരിക്കുകയായിരുന്നു. 30,000 വിദ്യാര്‍ഥികളാണ് ഇവിടെ പഠിക്കുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ