മോസ്കോ: വിമാനത്താവളത്തില്‍ വച്ച് യുവതിയുടെ ചെരുപ്പില്‍നിന്ന് കസ്റ്റംസ് ഉദ്യോഗസ്ഥന്‍ രണ്ട് കിലോ സ്വര്‍ണം കണ്ടെടുത്തു. വിമാനത്താവളത്തിലൂടെയുള്ള യുവതിയുടെ നടത്തം കണ്ട് സംശയം തോന്നി പരുശോധന നടത്തിയപ്പോഴാണ് സ്വര്‍ണം കണ്ടെത്തിയത്.

ഷൂസിനുള്ളിലാണ് രണ്ട് കിലോ സ്വർണം യുവതി ഒളിപ്പിച്ചുവച്ചത്. വിചിത്രമായ യുവതിയുടെ നടപ്പുകണ്ട് ശ്രദ്ധിച്ച ഉദ്യോ​ഗസ്ഥർക്ക് ഇവരുടെ മുഖത്തെ ഭയം കണ്ട് സംശയം തോന്നുകയായിരുന്നു. വീഴുമെന്ന് ഭയന്ന് നടക്കുന്നതുപോലെ കാലുകള്‍ ചേര്‍ത്തുവച്ചാണ് യുവതി വിമാനത്താവളത്തിലൂടെ നടന്നത്.

കിഴക്കന്‍ സൈബീരിയയിലെ ചൈനീസ് ബോര്‍ഡറിലാണ് സംഭവം. റഷ്യന്‍ കസ്റ്റംസ് ഉദ്യോഗസ്ഥനാണ് യുവതിയെ പിടികൂടിയത്. അഞ്ച് മില്യണ്‍ റൂബിയോളം (55,70,582 രൂപ) വിലമതിക്കുന്നതാണ് കണ്ടെടുത്ത സ്വർണം.