ന്യൂയോര്‍ക്ക്: ലോകത്തിലെ കോവിഡ് ബാധിതരുടെ എണ്ണം 1.60 കോടിയിലേക്ക് അടുക്കുന്നു. 1,59,26,218 കോവിഡ് ബാധിതരാണ് ഇപ്പോള്‍ ലോകത്തുള്ളത്. മരണ സംഖ്യ 6,41,740 പിന്നിട്ടു. 

അമേരിക്കയില്‍ കഴിഞ്ഞ 24 മണിക്കൂറിന് ഇടയില്‍ 75,580 പേര്‍ക്കാണ് കോവിഡ് ബാധിച്ചത്. 1,066 പേര്‍ക്ക് 24 മണിക്കൂറിന് ഇടയില്‍ ഇവിടെ ജീവന്‍ നഷ്ടമായി. ബ്രസീലില്‍ 58,249 പേര്‍ക്കാണ് 24 മണിക്കൂറിന് ഇടയില്‍ കോവിഡ് ബാധിച്ചത്. 1,178 പേര്‍ ഇവിടെ ഒരു ദിവസത്തിന് ഇടയില്‍ കോവിഡ് ബാധിച്ച് മരിച്ചു. 

മെക്‌സിക്കോയിലും മരണ നിരക്ക് ഉയരുകയാണ്. 718 പേരാണ് ഇവിടെ ഇന്നലെ മരിച്ചത്. ലാറ്റിന്‍ അമേരിക്കന്‍ രാജ്യങ്ങളായ മെക്‌സിക്കോ, ചിലി, പെറു എന്നീ രാജ്യങ്ങളിലും സൗത്ത് ആഫ്രിക്കയിലും രോഗവ്യാപനം ഉയരുകയാണ്. ഇന്ത്യയിലെ പ്രതിദിന കോവിഡ് ബാധിതരുടെ എണ്ണം അര ലക്ഷത്തിലേക്ക് അടുക്കുന്നതും മരണ സംഖ്യ ഉയരുന്നതും കടുത്ത ആശങ്ക സൃഷ്ടിക്കുന്നു.