മുതലയെ കാണുമ്പോള്‍ തന്നെ ഭയപ്പെടാത്തവര്‍ ചുരുക്കമാണ്. അപ്പോള്‍ ദിനോസറിന്റെ വലുപ്പമുള്ള ദിനോസറിനെ കണ്ടാലുള്ള കാര്യം പറയുകയും വേണ്ട. ഇപ്പോള്‍ അത്തരത്തില്‍ പ്രത്യക്ഷപ്പെട്ട ഒരു മുതലയുടെ വീഡിയോയാണ് സോഷ്യല്‍മീഡിയയില്‍ ചര്‍ച്ചാവിഷയമാകുന്നത്.
അമേരിക്കയിലെ ഫ്‌ളോറിഡയില്‍ മുതലകള്‍ സാധാരണമാണ്. ലക്ഷകണക്കിന് മുതലകള്‍ പ്രദേശത്ത് ഉണ്ടെന്നാണ് കണക്ക്. എന്നാല്‍ ഗോള്‍ഫ് ക്ലബില്‍ കണ്ട വലുപ്പമേറിയ മുതലയാണ് എല്ലാവരെയും അത്ഭുതപ്പെടുത്തുന്നത്. ഇത്രയും വലിയ മുതലയെ ഇതുവരെ കണ്ടിട്ടില്ല എന്നാണ് വീഡിയോ കണ്ടവര്‍ പറയുന്നത്.
ഇത് ചരിത്രാതീതകാലത്തുള്ള മുതലകളുമായി സാദൃശ്യപ്പെടുത്തിയാണ് ചര്‍ച്ചകള്‍ കൊഴുക്കുന്നത്. വലന്‍സിയ ഗോള്‍ഫ് ആന്റ് കൗണ്ടി ക്ലബാണ് വീഡിയോ സോഷ്യല്‍മീഡിയയില്‍ പങ്കുവെച്ചത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ