നൂര്‍ സുല്‍ത്താന്‍: കസാഖിസ്ഥാനില്‍ ബോഡി ബില്‍ഡര്‍ 'സെക്‌സ് ഡോളിനെ' വിവാഹം ചെയ്തത് കൗതുക കാഴ്ചയായി. ഒരു വര്‍ഷം മുന്‍പായിരുന്നു വിവാഹാഭ്യര്‍ത്ഥന. തുടര്‍ന്ന് കോവിഡ് ഉള്‍പ്പെടെയുള്ള കാരണങ്ങളാല്‍ രണ്ടുതവണ മാറ്റി വെച്ച ശേഷമായിരുന്നു കല്യാണം. കല്യാണത്തിന്റെ വീഡിയോ വ്യാപകമായാണ് പ്രചരിക്കുന്നത്.
യൂറി ടോലോച്ച്‌കോയാണ് മാര്‍ഗോ എന്ന് പേരിട്ടിരിക്കുന്ന സുന്ദരിപ്പാവയെ കല്യാണം കഴിച്ചത്. 2019ലാണ് മാര്‍ഗോയോട് യൂറി ടോലോച്ച്‌കോ വിവാഹാഭ്യര്‍ത്ഥന നടത്തിയത്. എട്ടുമാസം നീണ്ട പ്രണയബന്ധത്തിന് ശേഷമായിരുന്നു വിവാഹാഭ്യര്‍ത്ഥന എന്നാണ് യൂറി പറയുന്നത്. മാര്‍ച്ചില്‍ വിവാഹം കഴിക്കാനായിരുന്നു തീരുമാനം. എന്നാല്‍ കോവിഡ് വ്യാപനം കല്യാണം നീട്ടിവെയ്ക്കാന്‍ ഇടയാക്കി.
അതിനിടെ ട്രാന്‍സ്‌ജെന്‍ഡര്‍ റാലിയില്‍ യൂറി ആക്രമണത്തിന് ഇരയായതോടെ വീണ്ടും കല്യാണം നീണ്ടു. അവസാനം നവംബറിലായിരുന്നു ഇരുവരുടെയും വിവാഹം.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ