പാരീസ്: ഈച്ചയെ ഓടിക്കാന്‍ കൊതുക് ബാറ്റ് ഉപയോഗിക്കുന്നതിനിടെ, അടുക്കള കത്തിനശിച്ചു. 80 കാരന്‍ അത്ഭുതകരമായി രക്ഷപ്പെട്ടു.
ഫ്രാന്‍സിലാണ് സംഭവം. വീട്ടില്‍ ഉച്ചഭക്ഷണം കഴിക്കുകയായിരുന്നു 80കാരന്‍. ഈസമയത്ത് ശല്യമായി എത്തിയ ഈച്ചയെ ഓടിക്കാന്‍ കൊതുക് ബാറ്റ് എടുത്തു. കൊതുക് ബാറ്റ് പ്രവര്‍ത്തിപ്പിക്കാന്‍ ശ്രമിക്കുന്നതിനിടെയാണ് അടുക്കളയില്‍ തീപടര്‍ന്നത്.
ഗ്യാസ് സിലിണ്ടറിലെ ചോര്‍ച്ച 80കാരന്‍ അറിഞ്ഞിരുന്നില്ല. ഈസമയത്ത് കൊതുക് ബാറ്റ് ഓണ്‍ ചെയ്യാന്‍ ശ്രമിക്കുന്നതിനിടെ, പുറത്തുവന്ന ഇലക്ട്രിക് സ്പാര്‍ക്കാണ് അപകടകാരണം. ഇതില്‍ നിന്ന് തീ പടരുകയായിരുന്നു. അടുക്കള കത്തി നശിച്ചെങ്കിലും 80 കാരന്‍ അത്ഭുതകരമായി രക്ഷപ്പെട്ടു.
തീ ആളിക്കത്തുന്നതിനിടെ നിലത്തേയ്ക്ക് ചാടുകയായിരുന്നു 80കാരന്‍. കൈയില്‍ തീപൊളളലേറ്റെങ്കിലും കാര്യമായ പരിക്കുകളില്ല. അടുക്കള പൂര്‍ണമായി കത്തിനശിച്ചു. മേല്‍ക്കൂരയും തകര്‍ന്നതായി അധികൃതര്‍ പറയുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ