കാട്ടിലെ രാജാവായാണ് സിംഹത്തെ വിശേഷിപ്പിക്കുന്നത്. സിംഹത്തെ കണ്ട് ഭയന്ന് ഓടുന്ന വന്യമൃഗങ്ങളുടെ നിരവധി ദൃശ്യങ്ങള്‍ പുറത്തുവന്നിട്ടുണ്ട്. ഇരയെ വേട്ടയാടുന്നതില്‍ പ്രത്യേക കഴിവാണ് സിംഹത്തിന്. ഇപ്പോള്‍ കാറിന്റെ പുറത്ത് കയറി നില്‍ക്കുന്ന സിംഹത്തിന്റെ ദൃശ്യങ്ങളാണ് വൈറലാകുന്നത്.
സുശാന്ത നന്ദ ഐഎഫ്എസാണ് വീഡിയോ പങ്കുവെച്ചത്. ഒരു കാറും ചുറ്റിലും സിംഹങ്ങളും നില്‍ക്കുന്നതാണ് വീഡിയോയുടെ ഉള്ളടക്കം. ഇതില്‍ ഒരു സിംഹം കാറിന്റെ മുകളിലാണ്. കാറിന്റെ ഉള്ളിലേക്ക് കയറാന്‍ സിംഹം ശ്രമിക്കുന്നത് ദൃശ്യങ്ങളില്‍ വ്യക്തമാണ്. കാറിന്റെ മുകളില്‍ സിംഹം നില്‍ക്കുന്ന ദൃശ്യങ്ങള്‍ കണ്ടാല്‍ കാട്ടിലെ രാജാവ് 'ഞാന്‍' ആണ് എന്ന് സിംഹം പ്രഖ്യാപിക്കുന്ന പോലെ തോന്നാം.
വാഹനത്തിന്റെ താക്കോല്‍ അകത്താണ് എന്ന കാര്യം ഓര്‍ക്കാതെ കാറിന്റെ ഡോര്‍ അടച്ചത് കൊണ്ടാണ് ഇങ്ങനെ സംഭവിച്ചതെന്നാണ് സുശാന്ത നന്ദ ട്വീറ്റില്‍ കുറിച്ചത്. ദൃശ്യങ്ങള്‍ വ്യാപകമായാണ് പ്രചരിക്കുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ