വാഷിങ്‌ടൺ: കളിക്കുന്നതിനിടെ അബദ്ധത്തിൽ എട്ട് വയസുകാരന് നേരെ നിറയൊഴിച്ച് സഹോദരൻ. യുഎസിലെ ഒക്ലഹോമയിൽ ചൊവ്വാഴ്‌ച ഉച്ചയോടെയാണ് സംഭവം. ഇവരുടെ അമ്മ ഒക്ലഹോമയിലെ വാൽമാർട്ട് സെന്ററിൽ സാധനം വാങ്ങാൻ കയറിയപ്പോൾ പുറത്ത് പാർക്ക് ചെയ്‌തിരുന്ന കാറിനുള്ളിൽ കുട്ടികൾ കളിച്ചുകൊണ്ടിരിക്കുകയായിരുന്നു.
കളിക്കുന്നതിനിടെ 14കാരന്റെ കയ്യിലിരുന്ന തോക്കിൽ നിന്നും അബദ്ധത്തിൽ വെടിപൊട്ടുകയായിരുന്നു. വെടിയുണ്ട കൂടെയുണ്ടായിരുന്ന എട്ട് വയസുകാരന്റെ നെഞ്ചിലാണേറ്റത്. ശബ്‍ദം കേട്ട് സമീപത്തുണ്ടായിരുന്നവർ എമർജൻസി നമ്പറിൽ വിളിച്ച് കുട്ടിയെ ആശുപ്ത്രിയിൽ എത്തിക്കുകയായിരുന്നു. കുട്ടിയുടെ ആരോഗ്യനില തൃപ്‌തികരമെന്നും ഉടൻ ശസ്‌ത്രക്രിയയ്‌ക്ക് വിധേയമാക്കുമെന്നും ഡോക്‌ടർമാർ അറിയിച്ചു.
ഒക്ലഹോമ സിറ്റി പൊലീസ് ഉദ്യോഗസ്ഥന്റെ മക്കളാണ് ഇരുവരും. ഉദ്യോഗസ്ഥന്റെ തോക്കാണ് കാറിലുണ്ടായിരുന്നതെന്നാണ് നിഗമനം. ഈ സമയം ഉദ്യോസ്ഥൻ സ്ഥലത്തുണ്ടായിരുന്നില്ല. സംഭവത്തിൽ പൊലീസ് അന്വേഷണം ആരംഭിച്ചു.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ