അമേരിക്കന് മുന് പ്രസിഡന്റ് ഡൊണാള്ഡ് ട്രംപ് ഫെയ്സ്ബുക്കിലും യൂട്യൂബിലും തിരിച്ചെത്തി. 'ഞാന് തിരികെയെത്തി' എന്ന് അദ്ദേഹം ഫെയ്സ്ബുക്കില് കുറിച്ചു.
'നിങ്ങള്ക്ക് കാത്തിരിക്കേണ്ടിവന്നതില് ക്ഷമ ചോദിക്കുന്നു' എന്ന് 2016ലെ തെരരഞ്ഞെടുപ്പ് വിജയത്തിന് ശേഷം അണികളെ അഭിസംബധോന ചെയ്തു പറയുന്ന പഴയ വീഡിയോയും അദ്ദേഹം പങ്കുവച്ചിട്ടുണ്ട്.
തെരഞ്ഞെടുപ്പിലേറ്റ തോല്വിക്ക് പിന്നാലെ യുഎസ് ക്യാപിറ്റോളില് ട്രംപ് അനുകൂലികള് അക്രമം അഴിച്ചുവിട്ടതിന് പിന്നാലെ ഫെയ്സ്ബുക്കും യൂട്യൂബും ട്വിറ്ററും അദ്ദേഹത്തിന്റെ അക്കൗണ്ടുകള് നിരോധിച്ചിരുന്നു.
ട്രംപിന്റെ നിരോധനം പിന്വലിക്കുന്നതായി രണ്ടു മാസം മുന്പാണ് ഫെയ്സ്ബുക്ക് അറിയിച്ചത്്. വെള്ളിയാഴ്ച യൂട്യൂബും നിരോധനം പിന്വലിച്ചു. അമേരിക്കന് പ്രസിഡന്റ് തെരഞ്ഞെടുപ്പില് വീണ്ടും മത്സരിക്കാന് ട്രംപ് തയ്യാറെടുക്കുന്നതിനിടെയാണ് സാമൂഹ്യ മാധ്യമങ്ങള് വിലക്ക് മാറ്റിയിരിക്കുന്നത്. ട്വിറ്ററും അദ്ദേഹത്തിന്റെ വിലക്ക് പിന്വലിച്ചിരുന്നു. എന്നാല് ട്വിറ്ററില് അദ്ദേഹം ഇതുവരെയും തിരിച്ചെത്തിയിട്ടില്ല.
ഈ വാര്ത്ത കൂടി വായിക്കൂ യുദ്ധക്കുറ്റകൃത്യങ്ങൾ; പുടിനെതിനെ അറസ്റ്റ് വാറണ്ടുമായി അന്താരാഷ്ട്ര ക്രിമിനൽ കോടതി
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ