ലൈവ് വീഡിയോയിലൂടെ ഏഴ് ബോട്ടിൽ ചൈനീസ് വോഡ്ക കഴിച്ച സോഷ്യൽ മീഡിയ ഇൻഫ്ലുവൻസർ മരിച്ചു. മദ്യം അമിതമായി കഴിച്ച് 12 മണിക്കൂറിനുള്ളിലാണ് മരണം സംഭവിച്ചത്.

34കാരനായ സാങ്യാങ് എന്നയാളാണ് മരിച്ചത്. ചൈനീസ് സാമൂഹ്യ മാധ്യമമായ ഡൂയിനായിരുന്നു ഇയാളുടെ ലൈവ് മദ്യപാനം. 

മെയ് പതിനാറിന് വെളുപ്പിന് ഒരു മണിക്കാണ് ഇയാൾ ഡ്രിങ് ചലഞ്ച് ആരംഭിച്ചത്. തുടർന്ന്  ഏഴ് കുപ്പി മദ്യം അകത്താക്കി. മത്സരത്തിൽ മറ്റുള്ളവർ തോറ്റു പിൻമാറിയിട്ടും ഇയാൾ മദ്യപാനം തുടരുകയായിരുന്നു. 

മരിച്ച നിലയിലാണ് ബന്ധുക്കൾ സാങ്യാങിനെ കണ്ടെത്തിയത്. നേരത്തെയും മദ്യപിക്കുന്നതിന്റെ വീഡിയോകൾ ഇയാൾ സോഷ്യൽ മീഡിയയിൽ പങ്കുവയ്ക്കുമായിരുന്നു. ഇത്തരം വീഡിയോകൾ പങ്കുവയ്ക്കുന്നത് തങ്ങളുടെ പോളിസിക്ക് എതിരാണെന്ന് ചൂണ്ടിക്കാട്ടി ഡൂയിൻ ഇയാളെ വിലക്കിയിരുന്നു. 

ഈ വാര്‍ത്ത കൂടി വായിക്കൂ അധ്യാപിക ഫോൺ പിടിച്ചുവെച്ചതിന്റെ വൈരാ​ഗ്യം; 14കാരി ഡോർമിറ്ററിക്ക് തീ വെച്ചു, 20 കുട്ടികൾ വെന്തു മരിച്ചു

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ