തമിഴകത്തിന്റെ തല, അജിത്തിന്റെ ഒരു മുൻകാല ചിത്രമാണ് സമൂഹമാധ്യമങ്ങളിൽ ഇപ്പോൾ വൈറലാകുന്നത്. നടൻ പ്രശാന്തിനൊപ്പമാണ് അജിത്തിനെ ചിത്രത്തിൽ കാണാൻ കഴിയുന്നത്. പ്രശാന്തിനെ പൂമാല ഇട്ട് സ്വീകരിച്ച രംഗം പകർത്തിയിരിക്കുന്ന ചിത്രത്തിൽ തല കുനിച്ച് നിൽക്കുന്ന തലയെയാണ് കാണാനാകുക. അജിത് ചിത്രം വിശ്വാസം ഹിറ്റ് ചാർട്ടുകൾ ഓരോന്നായി കീഴടക്കുന്നതിനിടെയാണ് വർഷങ്ങൾക്ക് മുമ്പുള്ള ചിത്രം വീണ്ടും പ്രചരിച്ചിരിക്കുന്നത്.
ത്യാഗരാജന്റെ മകൻ എന്ന മേൽവിലാസത്തോടെ പ്രശാന്ത് മിന്നി നിന്ന കാലത്തെ ചിത്രമാണ് ഇത്. എന്നാൽ പിന്നീട് നിരന്തരമായി പരാജയങ്ങൾ ഏറ്റുവാങ്ങേണ്ടിവന്ന പ്രശാന്തിന് താരസിംഹാസനം നഷ്ടപ്പെടുകയായിരുന്നു. എന്നാൽ അജിത്താകട്ടെ ഇന്ന് സൂപ്പർ താരങ്ങളിലൊരാളായി നിറഞ്ഞുനിൽക്കുന്നു.
‘എങ്ങനെ തുടങ്ങി എന്നുള്ളതിലല്ല കാര്യം. എവിടെ എത്തി എന്നുള്ളതാണ്’, ചിത്രത്തിന് കമന്റായി തലയെക്കുറിച്ച് ആരാധകർ കുറിച്ചു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
