വിജയ് സേതുപതിയും തൃഷയും തകർത്തഭിനയിച്ച 96ന്റെ കന്നഡ പതിപ്പ് 99ലെ പുതിയ വീഡിയോ ഗാനം പുറത്ത്. ഭാവനയും ഗണേഷും ഒന്നിക്കുന്ന ചിത്രത്തിലെ 'ഗമ്യവേ' എന്ന് തുടങ്ങുന്ന ഗാനമാണ് അണിയറപ്രവർത്തകർ പുറത്തുവിട്ടിരിക്കുന്നത്.
യാത്രകളും ഫോട്ടോഗ്രഫിയും ഇഷ്ടപ്പെടുന്ന നായകനെ വിവരിക്കുന്ന ഗാനമാണ് ഇത്. കവിരാജിൻ്റെ വരികൾക്ക് അര്‍ജുൻ ജന്യയാണ് ഈണം പകര്‍ന്നിരിക്കുന്നത്. അര്‍മാൻ മാലിക്കാണ് ഗാനം ആലപിച്ചിരിക്കുന്നത്. ഇന്നലെ പുറത്തുവിട്ട വിഡിയോ ഇതിനോടകം ഒന്നരലക്ഷത്തിലധികം ആളുകൾ കണ്ടുകഴിഞ്ഞു.
പ്രീതം ഗുബ്ബിയാണ് 99 ഒരുക്കുന്നത്. ഭാവനയെ തൃഷയുടെ തങ്കച്ചി(അനിയത്തി) എന്നാണ് തമിഴ് സിനിമാലോകം വിളിച്ചിരുന്നത്. അതുകൊണ്ട് തന്നെ തൃഷ അനശ്വരമാക്കിയ ജാനുവായി ഭാവനയെത്തുമ്പോള്‍ ചിത്രം കാണാനായുള്ള കാത്തിരിപ്പിലാണ് ആരാധകര്‍. ഭാവനയും ഗണേഷും ഇതിനുമുന്‍പ് ഒന്നിച്ചഭിനയിച്ച റോമിയോ തെലുങ്കിൽ വലിയ വിജയം നേടിയിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
