അവതാരക മീരയുടെ വിവാഹനിശ്ചയവാർത്ത അപ്രതീക്ഷിതമായാണ് ആരാധകരെ തേടിയെത്തിയത്. വിവാഹത്തേക്കുറിച്ചുള്ള മുൻ സൂചനകളൊന്നും മീര ആരാധകർക്ക് നൽകിയിരുന്നില്ല. ഇപ്പോഴിതാ പങ്കാളിയെക്കുറിച്ചും വിവാഹശേഷമുള്ള വിശേഷങ്ങളെക്കുറിച്ചും മനസ്സ് തുറന്നിരിക്കുകയാണ് മീര.
തങ്ങളുടേത് പ്രണയവിവാഹമല്ലെന്നും വീട്ടുകാർ ഉറപ്പിച്ച വിവാഹമാണെന്നും മീര പറയുന്നു. "ഇങ്ങനൊരാൾക്ക് വേണ്ടിയാണ് ഞാൻ കാത്തിരുന്നത്. എന്റെ പിറന്നാള് ദിനത്തിലാണ് ആദ്യമായി വിഷ്ണുവിനെ കാണുന്നത്. ആ നിമിഷം മുതല് ഞാന് ലവ് അറ്റ് ഫസ്റ്റ് സൈറ്റ് എന്ന കണ്സപ്റ്റില് അന്ധമായി വിശ്വസിച്ചു തുടങ്ങി. വിഷ്ണു എന്റേതാണെന്ന് തിരിച്ചറിഞ്ഞു. കെട്ടിപ്പിടിച്ച് എന്തുകൊണ്ട് ഇത്ര വൈകിയെന്നു ചോദിക്കാന് തോന്നി''- മീര പറഞ്ഞു.
വീട്ടുകാരുൾപ്പെടെ തന്റേത് ഒരു പ്രണയവിവാഹമായിരിക്കുമെന്നാണ് കരുതിയതെന്നും ഒരു മണിരത്നം ചിത്രത്തിലെ പ്രണയം പോലൊന്ന് സംഭവിക്കുമെന്ന് താനും പ്രതീക്ഷിച്ചിരുന്നെന്നും മീര പറയുന്നു. ജോലി തിരക്കിനിടയിൽ അത് സംഭവിച്ചില്ലെന്ന് മീര കൂട്ടിച്ചേർത്തു.
പക്ഷെ വിവാഹശേഷം സോഷ്യൽ മീഡിയ വഴി ലഭിച്ച ചില കമന്റുകൾ മീരയെ വേദനിപ്പിച്ചു. "പകുതി കമന്റുകളും വിവാഹമോചനം എന്നാണ് ചോദിക്കുന്നവയാണ്. എല്ലാവരും വിവാഹം ചെയ്യുന്നത് ഒരുമിച്ച് ജീവിക്കാനാണ്. പിന്നെ എന്തിനുവേണ്ടിയാണ് ഇത്തരം ആവശ്യമില്ലാത്ത ചോദ്യങ്ങളെന്ന് മനസിലാകുന്നില്ല", മീര പ്രതികരിച്ചു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ