കഴിഞ്ഞ ദിവസമാണ് ബോളിവുഡ് നടന് വരുണ് ധവാന് കോവിഡ് പോസിറ്റീവാകുന്നത്. റിലീസിന് ഒരുങ്ങുന്ന തന്റെ പുതിയ ചിത്രം കൂലി നമ്പര് വണ്ണിന്റെ പ്രമോഷന് തിരക്കിലിരിക്കെയായിരുന്നു താരം. കൂടാതെ ജുഗ് ജുഗ്ഗ ജീയോയുടെ ഷൂട്ടിങ് ആരംഭിച്ചതിന് പിന്നാലെയാണ് രോഗം സ്ഥിരീകരിച്ചത്. ഇപ്പോള് സോഷ്യല് മീഡിയയില് ഒരു കുറിപ്പ് പങ്കുവെച്ചിരിക്കുകയാണ് താരം. താന് കുറച്ചുകൂടി ശ്രദ്ധിക്കേണ്ടതായിരുന്നു എന്നാണ് വരുണിന്റെ വാക്കുകള്.
സുഹൃത്തുക്കള്ക്കൊപ്പമുള്ള വിഡിയോ കോളിന്റെ സ്ക്രീന് ഷോട്ട് പങ്കുവെച്ചു വൈറ്റമിന് ഫ്രണ്ട്സ് എന്ന അടിക്കുറിപ്പിലായിരുന്നു കുറിപ്പ്. 'മഹാമാരിയുടെ കാലത്ത് ജോലിയിലേക്ക് മടങ്ങിയതോടെ ഞാന് കോവിഡ് ബാധിതനായി. നിര്മാതാക്കള് എല്ലാ മുന്കരുതലുകളും എടുത്തിരുന്നു. എന്നാല് ജീവിതത്തില് ഒന്നും അസംഭവ്യമല്ലല്ലോ പ്രത്യേകിച്ച് കോവിഡ് 19. അതിനാല് ദയവായി കുറച്ചധികം ശ്രദ്ധിക്കുക. ഞാന് കുറച്ചു കൂടി ശ്രദ്ധിക്കേണ്ടതായിരുന്നുവെന്ന് എനിക്ക് തോന്നുന്നുണ്ട്. ഗെറ്റ് വെല് സൂണ് സന്ദേശം ഉടന് കാണാനാകും. എന്റെ ആത്മവിശ്വാസം ഓരോ ദിവസവും വര്ധിക്കുകയാണ്'- വരുണ് കുറിച്ചു.
കരണ് ജോഹറിന്റെ ധര്മ പ്രൊഡക്ഷന്സ് നിര്മിക്കുന്ന ചിത്രമാണ് ജുഗ് ജുഗ്ഗ ജിയോ. ചിത്രത്തില് വരുണിനൊപ്പം അനില് കപൂര്, കിയാര അധ്വാനി, നീതു കപൂര് തുടങ്ങിയവരും അഭിനയിക്കുന്നുണ്ട്. ചിത്രത്തിന്റെ ഷൂട്ടിങ് ആരംഭിച്ചതിന് പിന്നാലെയാണ് വരുണ് പോസിറ്റീവാകുന്നത്. നീതു കപൂറും കോവിഡ് ബാധിതയായി. ഇതോടെ ചിത്രീകരണം നിര്ത്തിവച്ചിരിക്കുകയാണ്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ