നടി മഞ്ജു വാര്യരെ അറിയുന്നതുപോലെതന്നെ മലയാളികൾക്ക് സുപരിചിതനാണ് സഹോദരൻ മധു വാര്യരും. പക്ഷെ മഞ്ജുവിനെപ്പോലെ സിനിമയിൽ അത്ര ശോഭിക്കാൻ ഇനിയും മധു വാര്യർക്ക് കഴിഞ്ഞിട്ടില്ല. നടനായും നിർമാതാവുമായുമൊക്കെ സിനിമയിൽ പ്രവർത്തിച്ചിട്ടുള്ള അദ്ദേഹം ഇപ്പോഴിതാ സംവിധായകന്റെ വേഷമണിയുകയാണ്. മഞ്ജു വാര്യരെയും ബിജു മേനോനെയും കേന്ദ്ര കഥാപാത്രങ്ങളാക്കിയാണ് മധു വാര്യരുടെ സിനിമ ഒരുങ്ങുന്നത്.
സഹോദരന്റെ സിനിമയിൽ ഭാഗമാണെന്നത് സന്തോഷം തരുന്നെന്നാണ് മഞ്ജുവിന്റെ വാക്കുകൾ. "ചേട്ടൻ ഒരുപാട് വർഷമായി സിനിമയുടെ പിന്നാലെയാണ്. ഉണ്ടായിരുന്ന ജോലി ഉപേക്ഷിച്ചതു പോലും സിനിമ ചെയ്യാനായിരുന്നു. അത്രമാത്രം സിനിമയോട് ഇഷ്ടവും പാഷനുമാണ്", മഞ്ജു പറഞ്ഞു.
സിനിമയിൽ എങ്ങുമെത്താനാകാതെ സ്ട്രഗിൾ ചെയ്യുന്ന ചേട്ടനെ താൻ നേരിട്ടു കണ്ടിട്ടുണ്ടെന്നും മഞ്ജു പറയുന്നു. "ചേട്ടന്റെ പല പ്രോജക്ടും അവസാന ഘട്ടത്തിൽ എത്തിയ ശേഷം നഷ്ടപ്പെടുന്നതും കണേണ്ടി വന്നു. ഇപ്പോൾ എല്ലാം ഒത്തുവന്നതിൽ സന്തോഷമുണ്ട്. ചേട്ടൻ നന്നായി ചെയ്യണമേയെന്ന ആഗ്രഹമാണ് മനസിലുള്ളത്", താരം പറഞ്ഞു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ