സത്യം, മുംബൈ, മെമ്മറീസ് പോലീസ് തുടങ്ങിയ ചിത്രങ്ങൾക്ക് ശേഷം വീണ്ടും പൊലീസ് വേഷമണിഞ്ഞ് എത്തുകയാണ് പൃഥ്വിരാജ്. ഛായാഗ്രാഹകൻ തനു ബാലക്ക് സംവിധാനം ചെയ്യുന്ന ‘കോൾഡ് കേസ്’ എന്ന ചിത്രത്തിലാണ് എസിപി സത്യജിത് എന്ന വേഷത്തിൽ പൃഥ്വി എത്തുന്നത്. നീണ്ട ഇടവേളയ്‌ക്കു ശേഷമാണ് പൃഥ്വി വീണ്ടയും കാക്കിയണിഞ്ഞെത്തുന്നത്.
സിനിമയുടെ ചിത്രീകരണം തിരുവനന്തപുരത്ത് ആരംഭിച്ചു. പൊലീസ് യൂണിഫോമിലുള്ള ചിത്രങ്ങൾ പൃഥ്വി സമീഹമാധ്യമങ്ങളിൽ പങ്കുവച്ചിട്ടുമുണ്ട്.
‘ടമാർ പടാറി’ എന്ന ചിത്രത്തിന് ശേഷം പൃഥ്വിരാജ് പൊലീസ് യൂണിഫോമിലെത്തുന്ന സിനിമയാണ് ‘കോൾഡ് കേസ്’.‘അരുവി’ ഫെയിം അദിതി ബാലനാണ് നായിക. ആന്റോ ജോസഫും പ്ലാൻ ജെ സ്റ്റുഡിയോയുടെ ബാനറിൽ ജോമോൻ.ടി.ജോൺ, ഷമീർ മുഹമ്മദ് എന്നിവരും ചേർന്നാണ് ചിത്രം നിർമ്മിക്കുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
