മലായാളത്തിലെ എക്കാലത്തേയും മികച്ച സംവിധായകരിൽ ഒരാളാണ് അടൂർ ഗോപാലകൃഷ്ണൻ. ലോകസിനിമയ്ക്ക് മുൻപിൽ മലയാള സിനിമയെ എത്തിച്ച കലാകാരന്റെ 80ാം ജന്മദിനമാണ് ഇന്ന്. നിരവധി പേരാണ് പ്രിയ സംവിധായകന് ആശംസകൾ അറിയിച്ചുകൊണ്ട് എത്തുന്നത്. അതിനിടെ സോഷ്യൽ മീഡിയയിൽ വൈറലാവുന്നത് മമ്മൂട്ടിയുടെ ആശംസയാണ്.
അടൂരിന്റെ സിനിമകളെ കോർത്തിണക്കിക്കൊണ്ടുള്ള ഗ്രാഫിക് വിഡിയോ ആണ് മമ്മൂട്ടി പങ്കുവെച്ചത്. ലോക സിനിമക്ക് മലയാളം നൽകിയ കരുത്ത്, ജന്മദിനാശംസകൾ എന്ന കുറിപ്പിലാണ് മമ്മൂട്ടി വിഡിയോ പോസ്റ്റ് ചെയ്തത്. സ്നേഹപൂർവ്വം എന്ന പേരിൽ ഒരുക്കിയ ഗ്രാഫിക്കൽ വീഡിയോയിൽ അടൂർ ഗോപാലകൃഷ്ണൻ സംവിധാനം ചെയ്ത വിവിധ ചിത്രങ്ങളും അവയുടെ കാരിക്കേച്ചറുകളും പ്രത്യക്ഷപ്പെടുന്നുണ്ട്.
1972 ൽ പുറത്തിറങ്ങിയ സ്വയംവരത്തിൽ നിന്നു തുടങ്ങുന്ന വിഡിയോ അവസാനിക്കുന്നത് 2016 ൽ ഇറങ്ങിയ പിന്നെയും എന്ന ചിത്രത്തിലാണ്. സിനിമയിലേക്കുള്ള ഒരു വാതിലാണ് അടൂർ എന്നാണ് വിഡിയോയിൽ കുറിക്കുന്നുണ്ട്.
ബീൻബാഗ് ക്രിയേറ്റീവ് മീഡിയയാണ് ഈ കലാസൃഷ്ടിക്ക് പിന്നിൽ. സുധീർ പി വൈ, കൃഷ്ണൻ ബാലകൃഷ്ണൻ എന്നിവരുടേതാണ് വീഡിയോയുടെ ആശയം. പി വി ഉണ്ണികൃഷ്ണനാണ് പശ്ചാത്തലസംഗീതം ഒരുക്കിയത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ