വെള്ളം മികച്ച വിജയം നേടിയതിന് പിന്നാലെ ജയസൂര്യയും പ്രജേഷ് സെന്നും വീണ്ടും ഒന്നിക്കുന്നു. മഞ്ജു വാര്യരാണ് ചിത്രത്തിൽ നായികയായി എത്തുന്നത്. ജയസൂര്യയും മഞ്ജുവാര്യരും ആദ്യമായി ഒന്നിക്കുന്ന ചിത്രമാണ് ഇത്. ചിത്രത്തിന്റെ ഷൂട്ടിങ് ആരംഭിച്ചു.
പ്രൊഡക്ഷൻ കൺട്രോളർ ബാദുഷയാണ് വിവരം പങ്കുവെച്ചത്. മഞ്ജു വാര്യർക്കും സംവിധായകൻ പ്രജേഷ് സെന്നിനും ഒപ്പമുള്ള ചിത്രവും അദ്ദേഹം പങ്കുവെച്ചു. തിരുവനന്തപുരത്താണ് ചിത്രത്തിന്റെ ഷൂട്ടിങ് ആരംഭിച്ചത്. യൂണിവേഴ്സൽ സിനിമാസിൻ്റെ ബാനറിൽ ബി.രാകേഷാണ് ചിത്രം നിർമിക്കുന്നത്. കൂടുതൽ വിവരങ്ങൾ പുറത്തുവന്നിട്ടില്ല.
പ്രജേഷ് സെന്നും ജയസൂര്യയും ഒന്നിക്കുന്ന മൂന്നാമത്തെ ചിത്രമാണ് ഇത്. ആദ്യ ചിത്രമായ ക്യാപ്റ്റൻ മികച്ച അഭിപ്രായം നേടിയിരുന്നു. മദ്യത്തിന് അടിമപ്പെട്ട മുരളി എന്ന കഥാപാത്രത്തെയാണ് വെള്ളത്തിൽ ജയസൂര്യ അവതരിപ്പിച്ചത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
