മോഹൻലാലിന്റെ ദൃശ്യം 2 ഇന്നലെ രാത്രിയിലാണ് പ്രേക്ഷകരിലേക്ക് എത്തിയത്. സിനിമാലോകത്ത് ഒന്നടങ്കം വലിയ ചർച്ചയായിരിക്കുകയാണ് ചിത്രം. ചിത്രം വൻ ഹിറ്റാകുന്നതിനിടെ തെലുങ്കിലേക്ക് റീമേക്ക് ചെയ്യാനൊരുങ്ങുകയാണ് അണിയറ പ്രവർത്തകർ. ജീത്തു ജോസഫ് തന്നെയാകും സംവിധായകൻ.
ദൃശ്യത്തിന്റെ ആദ്യ ഭാഗം തെലുങ്കിൽ റീമേക്ക് ചെയ്ത് റിലീസ് ചെയ്തിരുന്നു. ചിത്രത്തിൽ വെങ്കടേഷാണ് നായകനായി എത്തിയത്. രണ്ടാം ഭാഗത്തിലും വെങ്കടേഷ് തന്നെയാവും ജോർജുകൂട്ടിയായി എത്തുക. മീന രണ്ടാം ദൃശ്യത്തിലും അഭിനയിക്കും. ആശ ശരതിന്റെ വേഷം നദിയ മൊയ്തുവാണു ചെയ്യുക. എസ്തർ തെലുങ്കിലും അഭിനയിക്കുന്നുണ്ട്.
ചിത്രം തെലുങ്കിൽ നിര്മിക്കുന്നത് ആന്റണി പെരുമ്പാവൂർ ആണ്. ചിത്രത്തിന്റെ ആദ്യ ഭാഗം സംവിധാനം ചെയ്തത് നടി ശ്രീപ്രിയയായിരുന്നു. സിനിമയുടെ കൂടുതൽ വിവരങ്ങൾ ഉടൻ പുറത്തുവിടും.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ