നടൻ സുശാന്ത് സിങ്ങിന്റെ മരണവുമായി ബന്ധപ്പെട്ട ലഹരിമരുന്ന് ഇടപാട് കേസിൽ ജയിൽ മോചിതയായതിന് ശേഷം ആദ്യമായി പൊതുയിടത്തിൽ പ്രത്യക്ഷപ്പെട്ട് നടി റിയ ചക്രബർത്തി. മുംബൈയിൽ പുതിയ വീട് അന്വേഷിച്ച് ഇറങ്ങുന്ന റിയയുടേയും സഹോദരൻ ഷൗവിക്കിന്റേയും വിഡിയോ ആണ് സോഷ്യൽ മീഡിയയിൽ വൈറലാവുന്നത്.
വീട്ടിൽ നിന്നിറങ്ങി മാധ്യമപ്രവര്‍ത്തകരുടെ ചോദ്യങ്ങള്‍ക്ക് മറുപടി നല്‍കാതെ കാറിൽ കയറി പോവുകയാണ് റിയ. ദയവായി തങ്ങളെ പിന്തുടരരുതെന്നും റിയ പറയുന്നതും വിഡിയോയിൽ കേൾക്കാം. മയക്കുമരുന്ന് കേസില്‍ ഒക്ടോബറിലാണ് റിയയ്ക്ക് ജാമ്യം ലഭിച്ചത്. അതിന് ശേഷം തന്റെ വീട്ടിൽ തന്നെയായിരുന്നു റിയ. ആദ്യമായാണ് താരം കാമറയ്ക്ക് മുന്നിൽ പ്രത്യക്ഷപ്പെടുന്നത്. ഡിസംബര്‍ 2നാണ് റിയയുടെ സഹോദരന്‍ ഷൗവിക്കിന് ജാമ്യം ലഭിച്ചത്.
നടനും റിയയുടെ കാമുകനുമായ സുശാന്ത് സിങ് രാജ്പുതിന്റെ ആത്മഹത്യയെ തുടർന്നുണ്ടായ അന്വേഷണത്തിലാണ് ബോളിവുഡിനെ പിടിച്ചുലച്ച ലഹരിമരുന്ന് വിവാദം ചർച്ചയാകുന്നത്. തുടർന്നാണ് ലഹരി മരുന്ന് ഉപയോഗിച്ചതിനും ഇടപാട് നടത്തിയതിനും റിയയെയും സഹോദരനയെും അറസ്റ്റ് ചെയ്തത് ഉപാധികളോടെയാണ്. ഹൈക്കോടതി റിയക്ക് ജാമ്യം അനുവദിച്ചത്. ഒരു ലക്ഷം രൂപ കെട്ടിവെക്കാനും പാസ്‌പോർട്ട് കോടതിയിൽ സമർപ്പിക്കാനും കോടതിയുടെ അനുമതിയില്ലാതെ വിദേശത്തേക്ക് പോകരുതെന്നും ആവശ്യപ്പെട്ടിട്ടുണ്ട്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
