പ്രണവിനൊപ്പം മായയുടെ യാത്ര, ട്രക്കിങ് ചിത്രങ്ങൾ പങ്കുവെച്ച് താരപുത്രി

സഹോദരനൊപ്പമുള്ള യാത്രാ ചിത്രങ്ങൾ പങ്കുവെച്ച് മോഹൻലാലിന്റെ മകൾ വിസ്മയ. പ്രണവിനും സുഹൃത്തുക്കൾക്കുമൊപ്പമുള്ള ട്രക്കിങ്ങിന്റെ മനോ​ഹര ചിത്രങ്ങളാണ് താരപുത്രി സോഷ്യൽ മീഡിയയിൽ പോസ്റ്റ് ചെയ്തത്. 

പ്രണവിന് മലകളോടുള്ള പ്രിയം മുൻപേ ആരാധകർ അറിഞ്ഞിട്ടുണ്ട്. മലയിലൂടേയും താഴ്വരയിലൂടെയുള്ള വിസ്മമയയുടെ യാത്രയാണ് ചിത്രങ്ങളിലുള്ളത്. നിരവധി ചിത്രങ്ങൾ മായ പങ്കുവെച്ചിട്ടുണ്ട്. സോഷ്യൽ മീഡിയയിൽ ആക്റ്റീവായ താരം തന്റെ ഇഷ്ടങ്ങൾ ആരാധകരുമായി പങ്കുവെക്കാറുണ്ട്. 

എഴുത്തും വരയുമാണ് വിസ്മയയുടെ പ്രധാന ഇഷ്ടങ്ങൾ. കൂടാതെ ആയോധന കലയിലും താരപുത്രി പ്രാവീണ്യയാണ്. തന്റെ കവിതകളും വരകളും ഉൾപ്പെടുത്തിക്കൊണ്ടുള്ള വിസ്മയയുടെ പുസ്തകം മാസങ്ങൾക്ക് മുൻപാണ് പുറത്തുവ‌ന്നത്. ജാപ്പനീസ് ഹൈക്കു കവിതകളിൽനിന്ന് പ്രചോദനമുൾക്കൊണ്ട് വിസ്മയ എഴുതിയ എഴുപതിലധികം കവിതകളും അതിനനുസരിച്ച് വരച്ച ചിത്രങ്ങളുമാണ് ‘ഗ്രെയ്ൻസ് ഓഫ് സ്റ്റാർഡസ്റ്റ്’ എന്ന പുസ്തകത്തിലുള്ള. മികച്ച അഭിപ്രായമാണ് പുസ്തകത്തിന് ലഭിച്ചത്.