വാഹനാപകടത്തിൽ ഗുരുതരമായി പരുക്കേറ്റതോടെ വർഷങ്ങളായി സിനിമയിൽ നിന്ന് മാറി നിൽക്കുകയാണ് ജഗതി ശ്രീകുമാർ. അടുത്തിടെ മമ്മൂട്ടിക്കൊപ്പം സിബിഐ 5ൽ അഭിനയിച്ചത് ആരാധകരെ ആവേശത്തിലാക്കിയിരുന്നു. അദ്ദേഹത്തിന്റെ ശാരീരിക അവസ്ഥ കണക്കിലെടുത്ത് അത്തരത്തിലൊരു രംഗമാണ് ചിത്രത്തിൽ ഉൾപ്പെടുത്തിയിരുന്നത്. ഇപ്പോൾ സോഷ്യൽ മീഡിയയിൽ മനം കവരുന്നത് അദ്ദേഹത്തിന്റെ പുതിയ വിഡിയോ ആണ്.
മകൾ പാർവതിക്കൊപ്പം പാട്ടുപാടുന്ന ജഗതിയെയാണ് വിഡിയോയിൽ കാണുന്നത്. തിങ്കളാഴ്ച റാഫി സാബിന്റെ മാജിക്കിനൊപ്പം എന്ന അടിക്കുറിപ്പിലാണ് ജഗതിയുടെ ഫെയ്സ്ബുക്ക് പേജിലൂടെ വിഡിയോ പങ്കുവച്ചിരിക്കുന്നത്. സൂപ്പർഹിറ്റ് ഗാനമായ ക്യാ ഹുവാ തേരാ വാദാ മകൾക്കൊപ്പം ആലപിക്കുകയാണ് താരം. മകൾ പാടുമ്പോൾ അതിനൊപ്പം ചുണ്ടുകൾ അനക്കുന്ന ജഗതിയെയാണ് വിഡിയോയിൽ കാണുന്നത്.
വിഡിയോ ആരാധകർക്കിടയിൽ ശ്രദ്ധ നേടുകയാണ്. നിരവധി പേരാണ് കന്റുകളുമായി എത്തുന്നത്. മലയാള സിനിമയ്ക്ക് പകരം വെക്കാൻ പറ്റാത്ത ഒരേ ഒരാൾ.....തിരിച്ചു വരട്ടെ പൂർവാധികം ശക്തിയോടെ- എന്നായിരുന്നു ഒരാളുടെ കമന്റ്. ഇപ്പോഴും സങ്കടം ആണ്. ഇതുപോലെ വേറെ ഒരു നടൻ ഇല്ല,എത്രയും വേഗം പഴയ അവസ്ഥയിലേക്ക് ഈശ്വരൻ എത്തിക്കട്ടെ ഒപ്പം ഒരുപാട് പ്രാർത്ഥന നേരുന്നു- എന്ന് മറ്റൊരു ആരാധിക കുറിച്ചു. വേഗം തിരിച്ചു വാ ഒരുപാട് സിനിമകളിൽ തമാശ പറഞ്ഞു ചിരിപ്പിക്കാൻ അവസരങ്ങൾ ഉണ്ടാവട്ടെ ... അമ്പിളി ചേട്ടന്റെ സിനിമകൾ കണ്ടു ചിരിക്കാൻ ഞങ്ങളും കാത്തിരിക്കുവാ- എന്നായിരുന്നു മറ്റൊരു കമന്റ്.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
